Ölkə

Şəhid övladları Türkiyəyə səfər edəcək - Şəhid ailələri bir-birinə qucaq açır...

12 Mart 2018 11:39
2 Şərh     Baxış: 1 258

Azərbaycan Xalq Cümhuriyyətinin 100 illiyi ilə əlaqədar Türkiyədə  fəaliyyət göstərən Azərbaycan Qadınları Mədəniyyət Mərkəzi Dərnəyi "Azərbaycan-Türkiyə şəhid övladları qucaqlaşırlar" layihəsinin icrasına başlayıb.

Diasporla İş üzrə Dövlət Komitəsindən Milli.Az-a verilən məlumata görə, Dərnəyin sədri Cəvahir Əhmədova bildirib ki, Türkiyə Baş Nazirliyinin Tanıtım Fondunun maliyyə dəstəyi ilə həyata keçirilən layihənin məqsədi Türkiyə Cümhuriyyəti və Azərbaycan Respublikasında olan şəhid uşaqlarını və ailələrini görüşdürmək, onları ölkələrimizin tarixi və mədəniyyəti ilə yaxından tanış etmək, eyni zamanda terrora qarşı Afrin əməliyyatında Türkiyə dövlətinə və ordusuna mənəvi dəstək olmaqdır. Bu məqsədlə Azərbaycanın şəhid övladlarından ibarət 38 nəfərlik qrup 2018-ci ilin mart ayının 15-dən 27-dək Türiyədə səfərdə olacaq. 12 gün ərzində şəhid övladları Ankarada Mustafa Kamal Atatürkün Mavzoleyini, Türkiyə Cümhur Başkanlığını, Türkiyə Böyük Millət Məclisini ziyarət edəcək, rəsmi şəxslərin qəbulunda olacaqlar.

Daha sonra uşaqların Bursaya və Eskişehirə səfəri planlaşdırılır. Uşaqlar bu şəhərlərdə tarixi yerləri gəzəcək,  mədəniyyət abidələri ilə tanış olacaqlar. Şəhid övladlarının səfəri Afyonkarahisar, Kocatepe şəhidliyi, Çanakkaladan keçərək İzmirdə başa çatacaq. Azərbaycan Qadınları Mədəniyyət Mərkəzi Dərnəyinin fəaliyyət göstərdiyi İzmirdə Türkiyədə olan şəhid uşaqları və ailələri ilə  görüş, birlikdə  tarixi və mədəni yerlərə gəzinti təşkil olunacaq. Səfər müddətində şəhid uşaqlarını 1 həkim, 2 tarixçi alim, 1 psixoloq və 6 nəfərdən ibarət nəzarətçi qrup müşayiət edəcək.

Qeyd edək ki, layihənin ikinci mərhələsində 2018-ci ilin sentyabr ayında Türkiyədən Azərbaycana 50 şəhid övladının səfəri nəzərdə tutulur. Layihənin Azərbaycan üzrə koordinatoru "Palitra" qəzetinin əməkdaşı Fuad Hüseynzadədir.

Yusif Nəsirli
Milli.Az

loading...

Şərh yaz:

2 Şərh:

  • Anonim
    Aydlndl · 12 Mart 11:4320

    Bize bu deq sosyal proqramlar yox muharibe lazlmdl.

    Cavab yaz
    • Anonim
      AZTR · 12 Mart 11:5620

      onların ataları borcunu odedi . sen rusıda arvad arqasınca qacanları , bakı toyda barlarda karoqe zallarında vur patlasın cal oynasın eglenenlerı danış..

      Cavab yaz

XƏBƏR LENTİ

Copyright © 2015 Milli.Az

Saytdakı materialların istifadəsi zamanı istinad edilməsi vacibdir. Məlumat
internet səhifələrində istifadə edildikdə hiperlink vasitəsi ilə istinad mütləqdir.