Ölkə

“Azərbaycanda vərəm xəstəliyinə qarşı mübarizə sahəsində mühüm addımlar atılıb"

13 Fevral 2018 17:54
1 Şərh     Baxış: 577

"Azərbaycanda vərəm xəstəliyinə qarşı mübarizə sahəsində mühüm addımlar atılıb, xüsusi dövlət proqramları qəbul olunub. Ölkəmizdə 80-ə yaxın ixtisaslaşmış vərəm mərkəzləri və müxtəlif xəstəxanalar fəaliyyət göstərir".

Milli.Az report-a istinadən xəbər verir ki, bu fikirləri Milli Məclisin deputatı Sədaqət Vəliyeva Avronest PA-nın Sosial komitəsinin Tbilisidə keçirilən iclasındakı çıxışı zamanı bildirib.

S.Vəliyeva Azərbaycanda xəstəliyə qarşı mübarizə sahəsində görülmüş işlər, qəbul olunmuş dövlət proqramları barədə məlumat verib: "İndi vərəmə qarşı mübarizə metodları yeni qaydada həyata keçirilir, dərman preparatları xəstələrə pulsuz paylanılır. Azərbaycan Prezidentinin sərəncamı ilə təsdiq olunmuş "Azərbaycan Respublikasının Milli Vərəm Proqramı" xəstəliyə qarşı mübarizəyə ayrılan xüsusi diqqətin ifadəsidir".

Deputat deyib ki, spesifikliyinə görə vərəm digər xəstəliklərdən fərqlənir və çətin müalicə olunan xəstəliyin yayılma ehtimalı böyükdür: "Onun yayılması daha çox ağır sosial həyat şəraiti, müharibələr və ərzaq çatışmazlığı ilə əlaqədar olur. Azərbaycanda xəstəliyin yaratdığı problemlərin qarşısının alınması üçün səmərəli tədbirlər görülür. Penitensiar xidmətdə də vərəm mərkəzi və xəstəxanası yaradılmasını beynəlxalq təşkilatlar yüksək qiymətləndirirlər". 

Milli.Az

Digər maraqlı xəbərlər Milli.Az-ın Facebook səhifəsində

loading...

Şərh yaz:

1 Şərh:

  • Anonim
    Məmmədhəsən əmi · 13 Fevral 19:2010

    Yəqin xanım deputat çıxış etməzdən əvvəl Bakıdakı vərəm dispanserlərinin vəziyyəti ilə yaxşı tanış olub.

    Cavab yaz

XƏBƏR LENTİ

Copyright © 2015 Milli.Az

Saytdakı materialların istifadəsi zamanı istinad edilməsi vacibdir. Məlumat
internet səhifələrində istifadə edildikdə hiperlink vasitəsi ilə istinad mütləqdir.