Ölkə

Akademik Xəzərdəki “süd qasırğası”ndan DANIŞDI

12 Fevral 2018 11:10
0 Şərh     Baxış: 1 935

Xəzər dənizində "süd qasırğası" deyilən prosesin baş verməsi adi haldır.

Milli.Az xəbər verir ki, bunu Trend-ə Azərbaycan Milli Elmlər Akademiyası Coğrafiya İnstitutunun direktoru, okeanoloq-hidroloq, texnika elmləri doktoru, professor, akademik Ramiz Məmmədov deyib.

Onun sözlərinə görə, Xəzər dənizində bu proses küləyin təsirindən çox tez-tez baş verir:

"Külək dənizin dibini qarışdırır. Nəticədə alt sular, dənizin dibindəki çöküntülər, qumsallıqar küləyin təsirindən suyun üzərinə qalxır".

R.Məmmədov qeyd edib ki, "süd qasırğası" dəniz florasına heç bir ziyan vermir:

"Bu proses balıqlar üçün daha xeyirlidir. Çünki dib çöküntülərində qida maddələri də olur. Onlar da yuxarı qalxanda balıqlar onu yeyirlər".

Qeyd edək ki, NASA aerokosmik agentliyi Xəzər dənizində "süd qasırğası" adlandırılan anomal prosesin görüntüsünü yayıb.

Foto yanvarın 9-da "Terra" kosmik aparatından MODIS spektroradiometri ilə çəkilib.

Məlumata əsasən, külək dənizin suyunu qarışdırır və suyun dibindəki çöküntüləri yuxarı qaldırır. Nəticədə dənizin bir hissəsində süd rəngli çalar əmələ gəlir.

Milli.Az

Digər maraqlı xəbərlər Milli.Az-ın Facebook səhifəsində

loading...

Şərh yaz:

0 Şərh:

XƏBƏR LENTİ

Copyright © 2015 Milli.Az

Saytdakı materialların istifadəsi zamanı istinad edilməsi vacibdir. Məlumat
internet səhifələrində istifadə edildikdə hiperlink vasitəsi ilə istinad mütləqdir.