Ölkə

Biləsuvarda evlərdən oğurluq etməkdə şübhəli bilinən şəxs saxlanıldı

30 Dekabr 2017 12:31
0 Şərh     Baxış: 769
VTB-də MİNİMAL FAİZ DƏRƏCƏSİ İLƏ NAĞD KREDİT 10.49%-dən

Biləsuvar Rayon Polis Şöbəsinin əməkdaşları tərəfindən keçirilmiş əməliyyat tədbirləri nəticəsində evlərə pəncərədən daxil olaraq oğurluq etməkdə şübhəli bilinən şəxs saxlanılıb.

Daxili İşlər Nazirliyinin mətbuat xidmətinin Lənkəran Regional qrupundan Milli.Az-a verilən məlumata görə, saxlanılan Biləsuvar şəhər sakini Böyükxan Ağayevin ətrafında aparılmış tədbirlərlə müəyyən edilib ki, o, cari il mayın 10-da həmyerlisi Rəşad Rufullayevin şəhər ərazisindəki mənzilinə pəncərədən daxil olub və oradan 1000 manat pul, həmçinin qızıl üzük oğurlayıb. Onun bir neçə gün sonra Ülvi Babayevin şəhər ərazisindəki evinə də eyni üsulla daxil olaraq 450 manat pul və 1500 manat dəyərində qızıl-zinət əşyalarını oğurladığı məlum olub.

Davam edən əməliyyat-axtarış tədbirləri nəticəsində B.Ağayevin oktyabrın 10-da Biləsuvar rayonunun Bəydili kəndində bir evdən, bir həftə sonra isə Müşfiq Nəzərova məxsus digər bir evdən müxtəlif məişət əşyalarını oğurladığı məlum olub.

Əvvəllər də eyni əmələ görə məhkum olunmuş həmin şəxs saxlanılarkən oğurladığı əşyaların bir qismi ondan maddi sübut kimi götürülüb.

Faktla bağlı Biləsuvar RPŞ-nin İstintaq Bölməsində Cinayət Məcəlləsinin müvafiq maddəsi ilə cinayət işi başlanılıb.

Milli.Az

Digər maraqlı xəbərlər Milli.Az-ın Facebook səhifəsində

Azernews Newspaper

XƏBƏR LENTİ

Copyright © 2024 Milli.Az

Saytdakı materialların istifadəsi zamanı istinad edilməsi vacibdir. Məlumat
internet səhifələrində istifadə edildikdə hiperlink vasitəsi ilə istinad mütləqdir.