Natiq Qədimov dəfn olundu - YENİLƏNİB

Ötən gün vəfat etmiş APA TV-nin əməkdaşı, tanınmış jurnalist Natiq Qədimov dəfn olunub.

Milli.Az-ın APA-ya istinadən xəbərinə görə, N. Qədimov bu gün Maştağa qəbristanlığında dəfn edilib.

Xatırladaq ki, N. Qədimov infarkt nəticəsində dünyasını dəyişib. Onun 41 yaşı var idi...

APA TV-nin noyabrın 22-də axşam saatlarında dünyasını dəyişən əməkdaşı, tanınmış jurnalist Natiq Qədimovun nəşi bu gün saat 14.00-da Maştağa qəbristanlığında torpağa tapşırılacaq.

Milli.Az xəbər verir ki, bu barədə APA TV-nin direktoru Vüqar Hüseynov bildirib.

Onun sözlərinə görə, cənazə saat 13.00-da mərhumun Naxçıvani küçəsi, "Lido" restoranın arxasında yaşadığı 9 mərtəbəli evin qarşısından götürüləcək.

"Süfrə başında dünyasını dəyişdi" - FOTO

Qeyd edək ki, APA-nın əməkdaşı, aparıcı Nəsimi Nəbizadə həmkarının dünyasını dəyişməsi barədə Facebook-dakı profildə belə yazıb:

"İşdən çıxıb, gəlib evə, zəng edib valideynlərinə, qardaşına... Deyib, gəlin bizə, qonaqlıq verirəm, həm də bir yerdə futbola baxaq, onlar da yığışıb gəlib. Natiq doğmaları ilə son dəfə görüşüb, onların gözü qarşısında, qəfildən, süfrə başında dünyasını dəyişib. Yaxın müddətdə ikinci dəfə ata olacaqdı".

Xatırladaq ki, infarktdan dünyasını dəyişən tanınmış jurnalist Natiq Qədimovun cəmi 41 yaşı vardı...