Bakı-Qazax magistral yolunun 16-cı kilometrliyində - paytaxtın Qaradağ rayonu ərazisində dünən baş verən ağır yol qəzasında yaralanaraq xəstəxanaya yerləşdirilən şəxslərin vəziyyəti orta ağırdır.
Milli.Az xəbər verir ki, Səhiyyə Nazirliyinin mətbuat xidmətinin əməkdaşı Səfayə Əhmədova Trend-ə bildirib ki, hadisə nəticəsində yaralanan 10 nəfər Kliniki Tibbi Mərkəzə (KTM) gətirilib.
Onların 2-nə ambulator yardım göstərilib və evə buraxılıb. Xəstəxanaya yerləşdirilən 8 nəfərdən 2-si bu gün səhər digər tibb müəssisələrinə köçürülüb.
Hazırda KTM-də müalicəsini davam etdirən qalan 6 nəfərin vəziyyəti orta ağırdır.
Milli.Az