Ölkə

Bakıda Azərbaycan Uşaqlarının IV Ümumrespublika Forumu keçirilir - FOTO

20 Noyabr 2017 12:19

Baxış: 1 851

#CƏMİYYƏT #UŞAQ

Bu gün Bakıda Heydər Əliyev Fondunun, Ailə, Qadın və Uşaq Problemləri üzrə Dövlət Komitəsinin və BMT-nin Uşaq Fondunun birgə təşkilatçılığı ilə Azərbaycan Uşaqlarının IV Ümumrespublika Forumu keçirilir.

Milli.Az Trend-ə istinadən xəbər verir ki, forumun açılışında Baş nazirin müavini Əli Əhmədov, ilə, Qadın və Uşaq Problemləri üzrə Dövlət Komitəsinin sədri Hicran Hüseynova, UNICEF-in Avropa və Mərkəzi Asiya üzrə regional direktoru Əfşan Xan və digər rəsmi şəxslər, ictimai xadimlər iştirak edirlər.

Tədbirdə Baş nazirin müavini Əli Əhmədov Prezident İlham Əliyevin Azərbaycan Uşaqlarının IV Ümumrespublika Uşaq Forumunun iştirakçılarına təbrik məktubunu oxuyub.

Qeyd edək ki, bu tədbirə Azərbaycanın bütün şəhər və rayonlarından 6-18 yaş arası 380 uşaq qatılıb.

Milli.Az

Digər maraqlı xəbərlər Milli.Az-ın Facebook səhifəsində