Ölkə

Güləş Federasiyasının I vitse-prezidenti işdən çıxarıldı

24 Oktyabr 2017 11:20

0 Şərh Baxış: 5 748

VTB-də minimal faiz dərəcəsi ilə nağd kredit 9.9%-dən

#İDMAN #GÜLƏŞ #KARYERA

Azərbaycan Güləş Federasiyasının (AGF) rəhbərliyində kadr dəyişikliyi aparılıb.

AGF-dən Milli.Az-a verilən məlumata görə, Federasiyanın Prezidenti Fazil Məmmədovun müvafiq əmri ilə Federasiyanın I vitse-prezidenti Namiq Əliyev tutduğu vəzifədən azad edilib.

Azərbaycan Güləş Federasiyasının I vitse-prezidenti vəzifəsinin icrası müvəqqəti olaraq Ələkbərov Sahib Nurəddin oğluna həvalə edilib.

Qeyd edək ki, Namiq Əliyev 2007-ci ildən Azərbaycan Güləş Federasiyasının I vitse-prezidenti idi. O, həmçinin, 2010-cu ildən FİLA (Beynəlxalq İdman Güləşi Federasiyası) İcraiyyə Komitəsinin üzvüdür.

Xatırladaq ki. bir müddət əvvəl Azərbaycanda bir qrup tanınmış güləşçi əmək haqlarının vaxtında verilməməsindən kütləvi şikayətlə çıxış etmişdilər.

Zəfər Tağı

Milli.Az

Digər maraqlı xəbərlər Milli.Az-ın Facebook səhifəsində