Ölkə

Niyə sərnişinlər BNA-nın yoxlamasından keçən avtobuslarda oturmağa iyrənir?

12 Oktyabr 2017 07:00

2 Şərh Baxış: 80 548

VTB-də minimal faiz dərəcəsi ilə nağd kredit 9.9%-dən

#AVTOBUS #NƏQLİYYAT #SOSİUM #SƏRNİŞİN #ŞİKAYƏT

Bakı şəhər, Binəqədi rayon sakini Asif Əhmədov Milli.Az-a müraciət edərək paytaxtdakı sərnişin nəqliyyatında istifadə edilən avtobuslardakı antisanitariyadan şikayətlənib. Onun sözlərinə görə, həmin avtobuslar guya Bakı Nəqliyyat Agentliyinin (BNA) nəzarətindən keçsə də, adam oturacaqlardan iyrənir:

"BNA-nın yoxlamasından keçən bir sıra marşrut avtobuslarına guya onların dezinfeksiya olunduğu, avtobuslarda video müşahidə aparıldığına dair stikerlər vurulub. Halbuki, orada nə hər hansı dezinfeksiyadan, nə də kameradan danışmaq olmaz. Həmin stikerlərin vurulduğu elə avtobuslar var ki, adam iyrəndiyindən heç oturacağa oturmaq belə istərmir. Belə olduğu təqdirdə o stikerlər nə üçün və hansı əsasla vurulur? Niyə həmin avtobuslar dezinfeksiya olunmur? Niyə oturacaqların örtükləri vaxtında dəyişdirilmir? Niyə buna lazımi nəzarət edilib tədbir görülmür?!"

Məsələ ilə bağlı Milli.Az olaraq bir aydan çox müddətdə BNA-nın mövqeyini öyrənməyə çalışdıq. Lakin bununla bağlı sorğunun sentyabrın 5-də verilməsinə və daha sonra bu barədə bir neçə dəfə təkrar xatırlatmalara baxmayaraq, sözügedən qurumun İctimaiyyətlə əlaqələr və maarifləndirmə şöbəsindən hər hansı cavab almaq mümkün olmadı.

İlkin İzzət

Milli.Az

Digər maraqlı xəbərlər Milli.Az-ın Facebook səhifəsində