Ölkə

"Oğlumun tez öləcəyini mənə demişdilər" - Xanım İsmayılqızı

10 Oktyabr 2017 16:09
59 Şərh     Baxış: 32 811

Tanınmış şairə-bəstəkar Xanım İsmayılqızı yenicag.az-a müsahibə verib.

Milli.Az müsahibəni təqdim edir:

- Ad da alın yazısı kimidir. Bəlkə öz adını dəyişsəydin, taleyinin məlum faciəsi də baş verməyəcəkdi. Yəni Xanımın taleyini yaşamayacaqdın...

- Oğlum Fəridin ölümündən sonra bir onu düşünürdüm ki, kaş mən ona başqa ad qoyaydım. "Fərid" adının mənası seçilmiş, qeyri-adi, standartlardan uzaq, fərqli deməkdir. Oğlum elə bənzərsiz ömür yaşadı. O, doğulandan fərqli uşaq idi: qıvrım sarışın saçları, uzun kirpikləri, qara gözləri vardı... Küçədə mənə deyirdilər ki, belə uşağı bayıra çıxartmazlar, gözə gələr. Hətta qayınatam gedib Zərdabda demişdi, Əlisəfanın bir oğlu var ki, nəslimizdə elə uşaq olmayıb. Qohum-əqrəba ancaq onun gözəlliyindən danışırdı. Uşağım körpəlikdən gözə gəldi. Xəstəlikləri də qəribə olurdu: əvvəlcə saçları töküldü, sonra gözlərində problem yarandı. Mən onu ovcumun içində əsə-əsə böyütdüm. Onu aparmadığım həkim qalmadı. Heç kim onun saçlarının tökülməsinin səbəbini tapmırdı. Qəribəsi bilirsən nə idi? O sağalırdı, mən xəstələnirdim, o xəstələnirdi, mən sağalırdım. Yaşadığı 34 il ancaq belə keçdi.

- Eşitdiyimə görə, səninlə sonuncu dəfə sağollaşması da fərqli olub...

- (kövrəlir) Bir gün əvvəl gedib özünə əyin-baş almışdı. Həmin gün səhər duş qəbul etdi. Başdan-ayağa, hətta kəmərinə kimi təzə geyindi. Zarafata saldım mən də... Dedim, xeyir ola, görüşə-filana gedərsən birdən, xəbərim olmaz. Güldü. Qapıdan çıxanda da oynadı mənimçün. Mən də kandarda durub, gözlərimlə liftə qədər onu yola saldım. Liftin ağzında da əllərini sinəsinə qaldırıb, ləzginka oynayırmış kimi bir hərəkət etdi və liftə girdi...

Uşağım oynaya-oynaya getdi və... daha gəlmədi. Gülə-gülə yola saldığım balam evinə son dəfə çiyinlərdə qayıtdı.

- Fəridin ölümündən əvvəl yuxunu qarışdırmamışdın?

- Mən yox, amma özü ölümünü yuxuda görmüşdü. Mən də dedim ki, yuxunu tərsinə yozarlar. Sən bilirsən axı, onun birinci ailəsi dağılmışdı. Övladları da yox idi. Səbəbkar Fərid deyildi. Hətta özü həmişə zarafatla deyirdi ki, Allah bilir hardasa neçə uşağım böyüyür. İllər keçirdi, gəlib 34 yaşına çatmışdı. Deyirdim, ailə qur, sən də ev-eşik sahibi ol. Bir qohum qız vardı, xoşuna gəlirdi. Bir gün dedim ki, ay Allah, bu iş xeyirli olacaqsa, mənə bir işarə göndər. Həmin gün Fərid elə o qızı yuxuda görmüşdü. Görüb ki, hardasa bir tikinti gedir. Həmin qız da yaxınlaşıb ona deyib ki, Fərid, bizim oğlumuz olub. O da təəccüblənib ki, axı biz evlənməmişik, oğlumuz necə ola bilər ki? Deyir, o anda uzaqdan bir fəhlə əl arabasını sürə-sürə gəldi, dayandı ikimizin arasında. Baxdım ki, içində quma basdırılmış bir uşaq var. Uşağı qaldırıb baxanda gördüm ki, bu, mənim körpəliyimdir (səsi titrəyir)...

- Bir küçə, bir adam, bir də yalqızlıq...
Bir ölüm, bir küçə və ADAMSIZLIQ...

Səhv etmirəmsə, sən bu şeirini 2013-də yazmısan. Və 1 il sonra eyni hadisə sənin övladının başına gəlir. Bu, nə idi belə? Tanrının xəbərdarlığı?

- (əllərini dizinə vurur) Bilmirəm ki... Amma o şeiri yazmışdım... Uşağımın da elə ürəyi tutub, küçədəcə keçinib. Sənə bir şeyi deyəcəm: əslində, mən Fəridin ömrünün qısa olacağını bilirdim. Bunu mənə demişdilər. Sən inan ki, düz 10 il mən bu qorxu ilə yaşadım və sonda da qorxduğum başıma gəldi. Mən falçılara, baxıcılara-filan inanmıram. Fəridin də başından qeylüqal əskik olmurdu. Bir gün mənə dedilər ki, Moskvadan bir rus ekstrasens gəlib, gedək onun yanına. Getmirdim, nəsə güc-bəla razı saldılar. Qadın Fəridin şəklinə baxan kimi heyrətləndi. Dedi ki, bu oğlanın içində elə bil bütün orqanlar yerini dəyişib, nəzər-nəfs onun bütün aurasını parçalayıb. Dedi ki, hətta evinizdəki bütün nəzərləri bu uşaq öz üzərinə götürür. Axırda da dedi ki, bu uşağın ömrü çox qısadı -hardasa 30-33... Mən ona sözünü qurtarmağa imkan vermədim. O qədər peşman oldum ki, getməyimə, çox narazı şəkildə o qadının yanından çıxdım, məni aparan adamı da acıladım. Və sən inan ki, o gündən mənim beynimdə o "30-33" rəqəmi dolanmağa başladı. Fəridin onda 24 yaşı vardı. Düz, 10 il səksəkədə yaşadım. Bir az evə gec gələn kimi deyirdim ki, birdən başına bir iş gələr; birdən yolu keçəndə onu maşın vurar. İnsana bir saatın içində nə qədər zəng etmək olardı, bir günün içində nə qədər hal-əhval tutmaq olardı? Ta ki gəlib yerinə girməyənə qədər rahat ola bilmirdim. Az qalırdım, ürəyimi yarım, onu qoyum ora, sonra da tikim. Mən başdan-ayağa sanki onunla yoğrulmuşdum. Fərid mənim ruhum, canım, Allahım idi.

- Yəqin elə bu da Allaha acıq gedib.

- Yəqin ki... O mənə göstərdi ki, sən Xanım məndən çox heç kimi sevə bilməzsən. Balam mələk kimi gəlib, mələk kimi getdi. Çox fərqli adam idi. Kiminlə ünsiyyət qururdu, hamı ona heyran qalırdı. Ölümündən əvvəl dişlərini də düzəltdirmişdi. Elə bil balamı Əzrayıl üçün bəzədim. Ona həsr etdiyim şeirdə dediyim kimi: "Canım oğlum, seçilmişdin, seçilirdin, seçildin...".

- Fəriddən sonra sən yaşayırsansa, igidsən...

- (qəhərlənir) Neçə dəfə intihar etmək istədim: gah fikirləşdim ki, özümü eyvandan atım, gah düşündüm ki, "termometri" sındırım içindəki civəni içim... Hər dəfə də ya kimsə gəldi, ya da kimsə zəng etdi. Sonda isə Fidan mənə elə bir söz dedi ki... Qayıtdı ki, onsuz da bilirdim, sən məni heç vaxt istəməmisən. Sənin sevgin Fərid idi. Dedi, bundan sonra mənimçün yaşa nolar, çünki sən mənə lazımsan. O sözdən sonra özümü ələ almağa başladım. Bir də sağ olsun, dostları... Bu dünyadan üzüm dönəndə, həyatdan küsdüyüm o faciənin içində mənə üz tutan, əl uzadan, təkidlə məni işə dəvət edən, dostum Afaq Məsud oldu. Bu təklif və təkid məni zülmətimdən qopartmaq, yaşatmaq cəhdi idi. Bunu hər adam etməzdi, Afaq Məsud etdi. Ona minnətdaram. Azərbaycan Tərcümə Mərkəzinə başı havalı, ağlı sərgərdan, ürəyi yaralı, ruhu xəstə kimi getdim. Afaq Məsud, Ramiz Rövşən, Zakir Fəxri kimi köhnə dostlarım məni gözləyirdi. Ordakı yaradıcı insanların aurası, işığı, sevgiləri və həssas münasibətləri ayağa qalxmaqda, bu yolu keçə bilməkdə mənə təmkin, güc verdi.

Sözsüz ki, şeirlərimin motivi dəyişdi, 3 ildir ki, bəlkə bir şeiri yazıram, çünki bütün ürəyimdəm süzülənlər Fəriddir.

İnan, gecələri elə səbirsizliklə gözləyirəm ki... Yuxu görmək istəyirəm. Çünki ancaq yuxuda balamla baş-başa qalıram, onu qucaqlayıram, qoxusunu duyuram, söhbət edirik. Axırda da mən ağlayıram, o gülür. İndi Allaha ən çox buna görə şükür edirəm ki, nə yaxşı bu yuxular var.

- Bu gün Allahdan ən böyük arzun nədir?

- Qapı döyülə... Açam ki, bir uşaq dayanıb. Deyə ki, mən Fəridin övladıyam. Onu bağrıma basıb, elə ordaca ölüm. Bilim ki, heç olmasa balamdan sonra bir yadigar qaldı...

Milli.Az

Digər maraqlı xəbərlər Milli.Az-ın Facebook səhifəsində

Şərh yaz:

59 Şərh:

  • Anonim
    Esra Ibrahimli(Samaxi) · 10 Oktyabr 16:18482

    Coxxx tesirlendim hedsiz,Allah rehmet elesin..

    Cavab yaz
    • Anonim
      Filiz · 10 Oktyabr 16:44450

      Coxdandi bele kederlenmemisdim ALLAH BALALRIMIZI QORUSIN HEC BIR ANAYA BU HISSLE4I YASATMASIN COX PIS OLDUM

      Cavab yaz
    • Anonim
      Filiz · 10 Oktyabr 16:5320

      Tam oxuya bilmedim neden rehmete gedibdi

      Cavab yaz
      • Anonim
        Esra ibrahimli (Samaxi) · 10 Oktyabr 17:1662

        Urek catismamazliqindan infarkt.

        Cavab yaz
  • Anonim
    Emmaa · 10 Oktyabr 16:19290

    Lap üreyim parçalandı gerek ovladlnl hedsiz sevmeyesen.bu düz sohbet imiş Allah size komek olsun

    Cavab yaz
  • Anonim
    Www · 10 Oktyabr 16:19230

    Çox tesirlendik, cennetlik olsun

    Cavab yaz
  • Anonim
    ..... · 10 Oktyabr 16:22200

    Allah səbr versin, rəhmət etsin!

    Cavab yaz
  • Anonim
    Serdar · 10 Oktyabr 16:29140

    Mətanətli, dözümlü, vüqarlı, gözəl qadınsınız. Allah Fəridə rəhmət eləsin, ruhu daim behiştdə, cənnətdə olsun onun.

    Cavab yaz
  • Anonim
    Maya · 10 Oktyabr 16:30150

    Allah səbr versin.

    Cavab yaz
  • Anonim
    (( · 10 Oktyabr 16:39140

    Cox kövrəldim(((

    Cavab yaz
  • Anonim
    Zara · 10 Oktyabr 16:42100

    Cox tesirlendim

    Cavab yaz
  • Anonim
    ZİYAD NAFTALANİ · 10 Oktyabr 16:47100

    ALLAH REHMET ELİSİN XANIM XALA BAŞIN SAĞ OLSUN QİSMET ALLAH O,BİRİ DÜNYASİNİ CENNETLİK ELESİN

    Cavab yaz
  • Anonim
    Məcid · 10 Oktyabr 16:4880

    Oğlu özünə necədə oxşayır, gözləri, çənəsi, burnu. Eyni cizgilərdi. Allah oğluna rəhm etsin, doğmalarına səbr diləyirəm.

    Cavab yaz
  • Anonim
    Lilii · 10 Oktyabr 16:5480

    Ferid bey axrinci defe ad gunumu tebrik etdi facebookda duzdu tanimirdim ama bilirdim Xanim xanimin oqludu çox mehriban insan idi herden yazirdi mene.Ad gunumnen 1 hefde kecmiwdi ewitdim rehmete gedib mene yazanda hemiwe adi bir insan kimi yazirdi hec vaxt lovğalıq görmedim yeri cennet olsun semimi insan idi

    Cavab yaz
  • Anonim
    Cxìpj · 10 Oktyabr 16:5880

    Qizina lap yazigim geldi. Analar qizlariniz1qqq1

    Cavab yaz
  • Anonim
    ika.e · 10 Oktyabr 16:58100

    Bir anlıq insan özünü o kederi yaşamış hiss edir sanki,dehşetli dözülmez bir hissdi..Allah sebr versin

    Cavab yaz
  • Anonim
    DILIW · 10 Oktyabr 17:06110

    ALLAH SIZE SEBR VERSIN.OXUDUQCA GOZUMUN YASINI SAXLAYA BILMEDIM.ALLAH HEC KIMI BALALARI ILE SINAGA CEKMESIN.COX AGIRDI VALLAH(((((

    Cavab yaz
  • Anonim
    Xxx · 10 Oktyabr 17:11203

    Qizina yazigim geldi lap, analar oglunuza qizinizdan da ćox qaygi gösterib onlari qelbi buruq böyütmeyin. Onda bax bele allah sizi oglunuzla cezalandirir. Kim nece qebul edir etsin bu fikrimi.

    Cavab yaz
    • Anonim
      Xxx-e · 10 Oktyabr 20:1420

      Helal sana

      Cavab yaz
  • Anonim
    $$$Yeraz · 10 Oktyabr 17:21100

    Cox pis oldum. Allah hec kime bala derdi gostermesin.(((

    Cavab yaz
  • Anonim
    esmer · 10 Oktyabr 17:24110

    Allah sebr versin

    Cavab yaz
  • Anonim
    Gunel · 10 Oktyabr 18:2480

    Cox kederlendim.Allah rehmet elesin.

    Cavab yaz
  • Anonim
    Gunel · 10 Oktyabr 18:25100

    Cox aqir derddi.Allah hec kimi ovladi ile simaqa cekmesin.Allah rehmet elesin.

    Cavab yaz
  • Anonim
    ....☆ · 10 Oktyabr 18:54160

    Bilirsiz men bu anani qinamaq isdemirem amma Ovladi Allah kimi qebul etmey cox gunahdi.Allah deyerki kimi mennen cox seversen seni onsuz qoyaram...coox uzuldum Allahdan sebr arzuluyuram.men hemise arzuluyuramki men balarimin ciyninde gedim onnar menim yox:((Allah Valideyinlere Ovlad dagi vermesin...

    Cavab yaz
    • Anonim
      .. · 10 Oktyabr 19:1490

      Allah rehmet etsin.

      Cavab yaz
  • Anonim
    Qafqaz Qaraqoyunlu · 10 Oktyabr 19:1960

    Cox cox uzulduk ,ALLAH sebr versin,feleyin işi beleymiş...

    Cavab yaz
  • Anonim
    Humay Rumi · 10 Oktyabr 19:2130

    Gozlerim doldu yasla. Allah rehmet etsin . Gozel bestekarimizada allahdan sebr dileyirem.

    Cavab yaz
  • Anonim
    Anonim 2 · 10 Oktyabr 19:2122

    Vallah men de cox pis oldum menim de qardasim rehmete gedib men bilirem ki menim anam ne derdler cekdi menim anami derd qocaltdi Allah butun cavanlari analari atalri qorusun qardassiz baci mence dunyasi alt ust olmus kimidir menim canim qardasim yanina tez gelmek isteyirem Allahim menim bu duami esit men her gun onun sekillerine baxib olurem sen meni ona qovusdur

    Cavab yaz
    • Anonim
      fe den Anonim 2 ye · 10 Oktyabr 22:3830

      ALLAH sizede Xanim xanimada sebir versin,ALLAH rehmet edsin ele deme ne etmek insan olenle ole bilmir menimde atam rehmete gedende ele deyirdim amma olmedim,sebirli ol,metin ol onsuzda bi gun gelen,bir gun gedir canim menim,seni bawa duwurem men, dodaq gulsede urek kiflenib,mecburda olsa bu heyatla bariwmaliyiq

      Cavab yaz
    • Anonim
      Umrao · 10 Oktyabr 23:2710

      Bes ananiz yaziq deyil?ozunuz de deyirsiz ki qardashimdan sonra qocaldi,neler cekdi,ozunuze de olum arzulamaqla derdli ananizi hec dushunmursunuz?Bir baci olaraq sizincun bu qeder agirdisa,gorun ki ana ucun ovlad itirmek nece ezabdi.Bu dunyadaki en dozulmez musibetdir ananin balasini itirmesi.

      Cavab yaz
  • Anonim
    anonim · 10 Oktyabr 19:3110

    Yüksəl Elmira oğlu da öldü

    Cavab yaz
    • Anonim
      anonim · 10 Oktyabr 20:3510

      Telman Abdullayevin oğlu

      Cavab yaz
  • Anonim
    ramiz · 10 Oktyabr 19:3201

    ALLAH RƏHMƏT ETSİN.RUHU ŞAD OISUN.

    Cavab yaz
  • Anonim
    Roya · 10 Oktyabr 20:0640

    Allah rehmet elesin.mene bir bayatini xatirlatdi Xanim Ismailqizinin ogluna olan acisi.Qara torpaqlara vermerem seni,yerin qollarimin arasindadi.Axan saf sularla yumaram seni.suyun gozlerimin qarasindadi.Allah hec bir anani evlad acisi ile sinaga cekmesin.

    Cavab yaz
  • Anonim
    Raul Moskva · 10 Oktyabr 20:3620

    Can Ay ana

    Cavab yaz
  • Anonim
    Raul Moskva · 10 Oktyabr 20:39100

    Men aşig dolu düşer, ğöy ğurlar dolu düşer, gebrim yoll üsten gazin anamın yollu düşer. Aman amana galdi , halim Yaman'a galdi , bala seni gormeyım axir zamana galdı

    Cavab yaz
  • Anonim
    H&t · 10 Oktyabr 21:0230

    Allah rehmet elesin.Hec bir anaya bala dagi cekilmesin.Menim bacimin da bir övladi var idi.Hamimiz hedsiz derecede düsürdük o usagin üstüne ,ezizleyirdik. Ve 10 gunun icinde balamiz derdi bilinmeden elimizden getdi.Allah sebr versin bele derdi cekenlere.Cox cetindir

    Cavab yaz
    • Anonim
      Faig · 11 Oktyabr 07:1900

      Necə yaşı var idi uşaqın.

      Cavab yaz
  • Anonim
    Azərpaşa · 10 Oktyabr 21:0230

    Allah rəhmət eləsin,məkanı cənnət olsun,çox ağır dərddir, Allahdan səbr diləyirəm.

    Cavab yaz
  • Anonim
    du er ikke alene · 10 Oktyabr 21:5630

    Allah hec kese ovlad acisi yasatmasin sebir versin.odur ki deyirler de hec vaxt onsuz yasaya bilmerem demeyin heyat alar elinizden onsuz da yasayarsiz.ne qeder sevirikse sevek ureyimiz onun yoxlugunda ne qeder yansa da paralansa da yasayiriq.

    Cavab yaz
  • Anonim
    bir nefer · 10 Oktyabr 22:2202

    Amma termometrdeki cive adami oldurmur, sinamiwam

    Cavab yaz
  • Anonim
    A · 10 Oktyabr 22:2610

    Offfff……

    Cavab yaz
  • Anonim
    Iiiii · 10 Oktyabr 23:5420

    Ureyim agridi

    Cavab yaz
  • Anonim
    Zumrud · 11 Oktyabr 02:0411

    Allah rehmet elesin.Amma oglum.meni Allahimdir bu sozu demek.gunahdir

    Cavab yaz
  • Anonim
    Anonim · 11 Oktyabr 06:5620

    Bu həyatda nəyi sevərsən o sənin imtahanın olar bu düzdü, elə insanlarda varki övlad həsrətiylə yaşayır bəli buda bir başqa acıdı

    Cavab yaz
  • Anonim
    Faig · 11 Oktyabr 07:1700

    Allah rəhmət eləsin...Düzdü övladı bələ hədsiz cox sevəndə belə olur sonu

    Cavab yaz
  • Anonim
    Afaq · 11 Oktyabr 07:5400

    Cox duyqulandim. Allah rehmet elesin.Yeri cennet olsun. Amin! Cox tesirli meqamlar vardi,ozumu saxlayammadim.....(((

    Cavab yaz
  • Anonim
    Leyli · 11 Oktyabr 08:0600

    Cox pis oldum allah size sebr versin allah hec kime ovlad acisi gosdermesin.cox tesirlidi.

    Cavab yaz
  • Anonim
    Mahir · 11 Oktyabr 09:1410

    Allah rehmet elesin (amin). Valideyinlerede sebr versin. O ana neler cekir onu bir allah bilir.

    Cavab yaz
  • Anonim
    Sirli Melek · 11 Oktyabr 09:2000

    Allah rehmet elesin. Musahibeni sona qeder oxudum, tesirlendim, kovreldim.(((

    Cavab yaz
  • Anonim
    Meri · 11 Oktyabr 09:5500

    Allah rəhmət eləsin, çox təsirləndim, kövrəldim

    Cavab yaz
  • Anonim
    Nigar · 11 Oktyabr 09:5500

    Allah rəhmət eləsin. Səbr versin

    Cavab yaz
  • Anonim
    sema · 11 Oktyabr 10:0700

    Agliyram Balami istiyrem .men de

    Cavab yaz
  • Anonim
    **** · 11 Oktyabr 11:0100

    Hec kim bawina ne geley bilmir ALLAH balalarimizi bizim ciynimizde yox bizi balalarimizin ciyninde qebr evine goturmeyi nesib etsin AMIN.

    Cavab yaz
  • Anonim
    sema · 11 Oktyabr 11:3000

    ALLAH REHMET ELESIN ALLAH SIZE SEBR VERSIN

    Cavab yaz
  • Anonim
    Ceyran Ahmedova. · 11 Oktyabr 11:5100

    Allah sebir versin.Yeri cenet olsun

    Cavab yaz
  • Anonim
    Cema · 11 Oktyabr 13:5700

    Allah O Dunyasin versin.Anayada sebr.hec kime ovlad avisi tanrim yashatmasin.gozlerim yashli ne yazdım bilmirem.

    Cavab yaz
    • Anonim
      Raya · 13 Oktyabr 16:3800

      Allah rehmet elesin yeri cennet olsun sizede sebr versin oxudum coox kederlendim qizinizi gözünüze isiq elesin

      Cavab yaz

XƏBƏR LENTİ

Copyright © 2015 Milli.Az

Saytdakı materialların istifadəsi zamanı istinad edilməsi vacibdir. Məlumat
internet səhifələrində istifadə edildikdə hiperlink vasitəsi ilə istinad mütləqdir.