Ölkə

Təhsil sektorunda könüllü gənclər axtarılır - Daimi işə çevrilə bilər

6 Oktyabr 2017 15:47

0 Şərh Baxış: 3 025

VTB-də minimal faiz dərəcəsi ilə nağd kredit 9.9%-dən

#CƏMİYYƏT #TƏHSİL #SOSİUM #İŞ #KARYERA #GƏNCLƏR

Bakı Şəhəri üzrə Təhsil İdarəsi könüllü əsaslarla işləmək arzusunda olan gəncləri əməkdaşlığa dəvət edir. Könüllü kimi fəaliyyət göstərmək istəyən gənclər BŞTİ-nin müxtəlif sektorlarında və xidmət bölmələrində 3 ay təcrübə keçmək imkanı qazanacaqlar.

İdarədən Milli.Az-a verilən məlumata görə, intizamlı, xoşrəftar, kollektivdə çalışmaq istəyi olan, kompüterdə işləməyi bacaran, xarici dil biliklərinə malik, ali təhsilli və ya ali təhsil müəssisələrinin son kursunda oxuyan gənclər könüllü fəaliyyət göstərmək üçün müraciət edə bilərlər.

Könüllü kimi fəaliyyətini uğurla başa vuran gənclərin hər birinə BŞTİ tərəfindən müvafiq arayış veriləcək.

Qeyd edək ki, BŞTİ artıq 4 ildir ki, könüllü əsaslarla çalışmaq arzusunda olan gənclərlə əməkdaşlıq edir. İndiyədək İdarə tərəfindən həyata keçirilmiş ilk könüllülük proqramı əsasında 15, ikincidə 26, üçüncüdə 35, 4-cü proqramda isə 42 nəfər müxtəlif sektorlarda, xidmət bölmələrində, Təlimə Dəstək Mərkəzində fəaliyyət göstəriblər. Onlardan 12 nəfəri hazırda BŞTİ-nin əməkdaşıdır.

Zərif Nisə

Milli.Az

Digər maraqlı xəbərlər Milli.Az-ın Facebook səhifəsində