Ölkə

İki körpə atası ölümlə üz-üzə - Ağbirçək ananın ümid dolu fəryadı - FOTO

22 Sentyabr 2017 11:12
5 Şərh     Baxış: 4 648

Göyçay rayonu Çərəkə kənd sakini Abdullayeva Familə Əhməd qızı Milli.Az-a ünvanladığı məktub vasitəsilə ölümlə üz-üzə qalan cavan oğlunun həyatda qalması üçün insanlardan yardım istəyib:

"Bir ağbirçək ana olaraq balamın gözümün qarşısında imkansızlıqdan məhv olmasına dözə bilməyib mətbuat vasitəsi ilə imkanlı şəxslərə müraciət edirəm.
   Mənim övladım 37 yaşlı Abdullayev Pünhan Rəsul oğlu qaraciyərin serrozu xəstəliyindən əziyyət çəkir. Hazırda ağır xəstə olaraq yataqdadır. Həkmlərin müalicəsi artıq təsir etmir. Türkiyədən gəlmiş həkim müayinə edib, təcili qaraciyər köçürülməsi olmasa, öləcəyini bildirib. Buna isə 60.000 (altmış min) manat pul lazımdır ki, digər oğlumun qaraciyərinin bir hissəsini Pünhana köçürsünlər. Xəstə övladım Pünhanda varikoz damar genişlənməsi olduğu üçün ona sistem də qoymaq mümkün deyil. Buna görə də onda qanaxmalar baş verir.

Pünhanın iki azyaşlı övladı var. Bu bir ildə onun həyatda qalması üçün külli miqdarda pul xərcləmişik. Evimizin əşyalarını da satmışıq, banklardan kredit götürmüşük, borc almışıq. Hazırda quru çörək almağa belə imkanımız qalmayıb. Ancaq mən ana kimi aclığa dözə bilərəm, amma balamın gözümün qarşısında ölməsinə dözə bilmərəm.

Əlimizi hər yerdən üzsək də, o bir olan Allaha və mərhəmətli insanlara böyük ümüd edirik".

 Çarəsiz ana oğlunun həyatda qalmasında xüsusən iş adamı Fərhad Əhmədovdan kömək gözləyir və bu məqsədlə ona da müraciət etdiyini bildirib:
   "El-obadan eşitmişəm ki, həmyerlimiz göyçaylı milyarder Fərhad Əhmədov Göyçayda çoxlu sayda imkansız, xəstə və əlil insanlara köməkliklər edib, onları sevindirib. Buna görə mən Fərhad Əhmədova ərizə ilə müraciət etmişəm. Həmin ərizəni onun rəhbərlik etdiyi Göyçay rayonunda yerləşən "Aznar" ASC-yə göndərmişəm. Ümid edirəm ki, hörmətli Fərhad müəllim bir ağbirçək ananı da sevindirəcək. Mən mətbuat vasitəsi ilə həmyerlimiz Fərhad Əhmədovdan çox-çox xahiş edirəm, yalvarıram xəstə oğlum Pünhanın müalicə olunmasına yaxından köməklik edəsiniz.

Allahdan hamınıza uzun ömür, möhkəm can sağlığı və işlərinizdə daima uğurlar arzulayıram. Allah sizləri qorusun!"

Əlaqə telefonu: (051) 891-39-80 Abdullayeva Familə

Bank Rekvizitləri:
Azərbaycan Beynəlxalq Bankı Göyçay filialı

Bankın kodu:  805294

VÖEN:  9900001881

M/h:  AZ03NABZ01350100000000002944

SWIFT:  İ B A Z A Z 2X

Müştəri:  Abdullayev Kamran Rasul oğlu

Hesab nömrəsi:  AZ32lBAZ33801019446024988256

Zərif Nisə
Milli.Az

Digər maraqlı xəbərlər Milli.Az-ın Facebook səhifəsində

Məqaləyə dair fotomateriallar:

loading...

Şərh yaz:

5 Şərh:

  • Anonim
    Gulli · 22 Sentyabr 2017 11:2050

    Belə bir məqalə oxuyanda və kömək edə bilməyəndə çox pis oluram. Caş imkanim olaydi əl tutaydim.

    Cavab yaz
    • Anonim
      Umrao · 22 Sentyabr 2017 13:1710

      Men de((Gozlerim doldu oxuyanda.Imkansizliqdan ovladini itirmek qorxusu ile uz uze qalmaq,caresizlik o ana ucun nece agirdi.Inshallah komek olunar.

      Cavab yaz
  • Anonim
    777 · 22 Sentyabr 2017 11:2140

    Allah sefa versin. Imkanli adamlar, ananin sesine ses verin. Allah bir az da bereketinizi artirar insallah.

    Cavab yaz
  • Anonim
    Gülüm · 22 Sentyabr 2017 11:2730

    Allah ozu komek olsun.bu agbircek ananin o iki korpe balanin gozu yawli qalmasin.azerbaycanda o qeder imkanli oglanlar varki. Ne olarki komeklik elesinler bu oglana.Allah yaninda boyuk savab qazansinlar.

    Cavab yaz
  • Anonim
    777777777 · 22 Sentyabr 2017 11:4140

    Allah rehmlidir.Bu ayda kimese komeklik etmeyin boyuk savabi var.inwallah komek eden tapilar balalarinin gore.saqalib ailesinin bawinda durar

    Cavab yaz

XƏBƏR LENTİ

Copyright © 2015 Milli.Az

Saytdakı materialların istifadəsi zamanı istinad edilməsi vacibdir. Məlumat
internet səhifələrində istifadə edildikdə hiperlink vasitəsi ilə istinad mütləqdir.