21:03
Bu gün Azərbaycan Premyer Liqasında VI tura start verilib. Milli.Az apasport.az-a istinadən xəbər verir ki, üç gün davam edəcək turun ilk iki oyun gününün qarşılaşmaları paytaxtda baş tutacaq.
Tur ilk üç pillədə qərarlaşan komandaların öz meydanında oynaması ilə diqqət çəkir.
Bu, iki matçın yerinin dəyişdirilməsi ilə bağlıdı. Əslində, turun yalnız bir oyunu paytaxtda baş tutmalı idi. Lakin "Kəpəz"lə "Sumqayıt"ın ev görüşlərinin yeri dəyişdirilib. Elə buna görə də yalnız son oyun günündə Bakıdan kənarda qarşılaşma baş tutacaq.
Tura Tofiq Bəhramov adına Respublika stadionunda start verilib. Ardıcıl 7 çempionat oyununda xal itirməyən "Qarabağ" "Sumqayıt"ı qəbul edib.
Görüş çempionun böyükhesablı qələbəsi ilə başa çatıb. Oyunda "Sumqayıt" erkən qolla hesabı açıb ilk hissəni öndə bitirsə də, ikinci hissədə "Qarabağ" rəqibinə kimin kim olduğunu bildirib.
4 qol vuran ağdamlılar Çempionlar Liqasının "Roma" ilə ev matçına yüksək əhval-ruhiyyədə yollanacaqlar.
Azərbaycan Premyer Liqası
VI tur
22 sentyabr (cümə)
"Qarabağ"-"Sumqayıt" - 4:1
Qırmızı vərəqə: Miçel, 88 (ikinci sarı)
Qollar: Pedro Enrike, 56, Almeyda, 62 (pen.), Mahir Mədətov, 64, 73 - Bəxtiyar Həsənalızadə, 7
Hakimlər: Orxan Məmmədov, Mübariz Haşımov, Vüqar Bayramov, Əliyar Ağayev
AFFA nümayəndəsi: Seymur Səlimli
Hakim-inspektor: Məhəmməd Məmmədov
Tofiq Bəhramov adına Respublika Stadionu
"Qarabağ": 1. Anton Kanibolotski 5. Maksim Medvedev (k) 8. Markos Madera 9. Dino Ndlovu 10. Pedro Enrike 11. Mahir Mədətov 18. Tarik Elyunussi 20. Riçard Almeyda 52. Yakub Jezniçak 55. Bədavi Hüseynov 32. Elvin Yunuszadə
Ehtiyat oyunçular: 13. İbrahim Şehiç 12. Şahruddin Məhəmmədəliyev 2. Qara Qarayev 7. Rahid Əmirquliyev 21. Arif Daşdəmirov 30. Abbas Hüseynov 70. Nicat Süleymanov 88. Elşən Abdullayev 90. Ramil Şeydayev 91. Coşqun Diniyev 99. Dani Kintana
Baş məşqçi: Qurban Qurbanov
"Sumqayıt": 23. Mehdi Cənnətov 2. Rail Məlikov 3. Vurğun Hüseynov (k) 5. Vüqar Bəybalayev 9. Amil Yunanov 10. Cavid İmamverdiyev 14. Bəxtiyar Həsənalızadə 18. Tural Axundov 19. Azər Salahlı 32. Rəşad Eyubov 97. Xəyal Nəcəfov
Ehtiyat oyunçular: 1. Fərhad Vəliyev 6. Kamal Mirzəyev 7. Cavid Tağıyev 11. Ehtiram Şahverdiyev 13. Bəhlul Mustafazadə 41. Ceyhun Rəcəbli 90. Ramil Həsənov
Baş məşqçi: Samir Abasov
----------
19:11
Bu gün Azərbaycan Premyer Liqasında VI tura start verilib.
"Qarabağ" Tofiq Bəhramov adına stadionda "Sumqayıt"ı qəbul edir.
---------
10:35
Bu gün Azərbaycan Premyer Liqasında VI tura start veriləcək.
Milli.Az goal.az-a istinadən xəbər verir ki, ilk oyun günündə bir görüş baş tutacaq. "Qarabağ" Tofiq Bəhramov adına stadionda "Sumqayıt"ı qəbul edəcək.
Son çempion "Qarabağ" dörd oyundan maksimum xal toplayan Qurban Qurbanovun komandası cəmi 2 qol buraxıb. Hazırda 2-ci pillədə olsalar da, 1 xal geri qaldıqları "Zirə" ilə müqayisədə 1 oyun az keçiriblər.
7 xalla 5-ci sırada olan "Sumqayıt" 5 oyundan 2-də uduzub, 2 dəfə 3 xala sevinib və ötən turu heç-heçə ilə başa vurub.
Azərbaycan Premyer Liqası
VI tur
22 sentyabr
19:00. "Qarabağ" - "Sumqayıt"
Hakimlər: Orxan Məmmədov, Mübariz Haşımov, Vüqar Bayramov, Əliyar Ağayev
AFFA nümayəndəsi: Seymur Səlimli
Hakim-inspektor: Məhəmməd Məmmədov
Tofiq Bəhramov adına Respublika Stadionu
Milli.Az