Ölkə

Hacıqabulda qanlı insident: qonşusunu güllələndi - YENİLƏNİB

25 İyul 2017 17:58

0 Şərh Baxış: 2 091

#CƏMİYYƏT #KRİMİNAL #POLİS #CİNAYƏT

17:58

Hacıqabulda əvvəllər qətl törətmiş şəxs qonşusunu güllələyib.

Milli.Az APA-ya istinadən xəbər verir ki, hadisə rayonun Udulu qəsəbəsində baş verib.

Qəsəbə sakini, əvvəllər qətl üstündə (9 il) və digər cinayətlərə görə ümumilikdə 3 dəfə həbsdə olmuş Hacıqabul sakini, 1960-cı il təvəllüdlü Ağayev Mirağa Mirsadıq oğlu qonşusu, 1971-ci il təvəllüdlü Şükürov Məsləhət Abbasəli oğluna ov tüfəngindən atəş açaraq, sağ ayağının baldır nahiyəsindən yaralayıb.

M. Şükürov güllə yarası ilə Hacıqabul Mərkəzi Rayon Xəstəxanasına yerləşdirilib.

Yaralının baldırından 30-a qədər güllə qırması çıxarılıb.

Hadisənin baş vermə səbəbləri hüquq-mühafizə orqanları tərəfindən araşdırılır.

Zərərçəkmiş şəxsin yaxınlarının sözlərinə görə, insidentə iki qonşu arasında suvarma və torpaq işləri zamanı yaranan münaqişənin səbəb olduğu bildirilsə də, əslində hadisənin baş vermə səbəbi Belarusda işləyən Məsləhət Şükürovun evə dönəndən sonra M. Ağayevə qazandığı puldan haqq verməməsidir.

M. Ağayev cinayəti törətdikdən sonra hadisə yerindən qaçıb.

Onun saxlanılması istiqamətində əməliyyat tədbirləri həyata keçirilir.

Faktla bağlı Hacıqabul Rayon Polis Şöbəsində cinayət işi açılıb, araşdırma aparılır.

---------

14:29

Hacıqabul rayon sakini qonşusu tərəfindən güllələnib.

Milli.Az APA-ya istinadən xəbər verir ki, hadisə rayonun Udulu qəsəbəsində baş verib.

Qəsəbə sakini, 1941-ci il təvəllüdlü Şükürov Məsləhət Abbasəli oğlu sağ ayağından güllə yarası ilə Hacıqabul Mərkəzi Rayon Xəstəxanasına yerləşdirilib.

Onun qonşusu Ağayev Mirağa Mirsadıq oğlu tərəfindən güllə ilə vurulduğu bildirilir.

İlkin məlumata görə, hadisə münaqişə zəminində baş verib.

Milli.Az

Digər maraqlı xəbərlər Milli.Az-ın Facebook səhifəsində