Ölkə

Bakı metrosunda 25 yaşlı gəncin metroda intihara cəhdinin SƏBƏBİ AÇIQLANDI - YENİLƏNİB

17 İyul 2017 18:04
5 Şərh     Baxış: 5 798

18:04

Metronun "Ulduz" stansiyasında gənc oğlanın özünü qatarın altına atmasının səbəbi məlum olub.

Milli.Az Trend-ə istinadən bildirir ki, iyulun 17-də saat 15:00 radələrində 1992-ci il təvəllüdlü Ələsgərli Tamerlan Rövşən oğlu stansiyanın platformasından özünü qatar relsinə atıb.

Stansiya nəzarətçilərinin köməyi ilə T.Ələsgərlinin həyatını xilas etmək mümkün olub. O, qatar platformaya çatanda dərhal relslərin üzərindən çıxıb tunelə daxil olub. Metro nəzarətçilərinin köməyi ilə stres vəziyyətində olan T.Ələsgərli polisə təhvil verilib.

İlkin izahatında T.Ələsgərli bildirib ki, özünü ailə münaqişəsi zəminində relslərin üzərinə atıb. O, qeyd edib ki, uzun müddətdir Azərbaycanda yaşamır və bir-neçə ölkədə olub. Bir neçə gün əvvəl T.Ələsgərli Bakıya gəlib və bibisinin himayəsində olan doğma bacısı ilə görüşmək istəyib. Lakin bibisi və onun ailə üzvləri bacısının T.Ələsgərli ilə görüşməsinə imkan verməyiblər. O, bacısını görmək üçün bir-neçə dəfə bibisinin yaşadığı ünvana getsə də, bacısı ilə görüşə bilməyib. Nəticədə T.Ələsgərli intihar etmək qərarına gəlib və o, bu addımı atıb.

Maşinist və metro nəzarətçilərinin sayıqlığı nəticəsində onun həyatını xilas etmək mümkün olub. Məlumata görə, T.Ələsgərli hazırda ağır stres keçirdiyindən həkim nəzarətinə verilib.

----------

17:18

Bakı metrosunda gənc oğlan özünü qatarın altına atıb.

Milli.Az unikal.org-a istinadən xəbər verir ki, hadisə bu gün saat 15 radələrində "Bakı Metropoliteni"nin "Ulduz" stansiyasında qeydə alınıb.

Belə ki, 20-25 yaşlarında gənc oğlan qatar gələn zaman özünü relslərin üzərinə atıb. Xoşbəxtlikdən qatarı dərhal saxlamaq mümkün olub. Xətdəki gərginlik kəsildikdən sonra sərnişin qatarın altından çıxarılıb.

"Bakı Metropoliteni" Qapalı Səhmdar Cəmiyyəti mətbuat xidmətinin rəhbəri Nəsimi Paşayev sayta bildirib ki, hadisə saat 15:50 radələrində baş verib: "1992-ci il təvəllüdlü Ələsgərli Tamerlan Rövşən oğlu özünü relslərin üzərinə altıb. Maşinistin sayıqlığı, operativliyi nəticəsində qatarı dərhal saxlamaq mümkün olub və vətəndaş sağ qalıb. O, hər hansı bir xəsarət almayıb. Tamerlan Ələsgərli polisə təhvil verilib. Qatarlarların hərəkət intervalında hər hansısa gecikmə yaranmayıb".

Milli.Az

Digər maraqlı xəbərlər Milli.Az-ın Facebook səhifəsində

Система Orphus * Mətndə orfoqrafik səhv aşkar etdinizsə, səhv olan hissəni qeyd edib Ctrl + Enter düymələrini sıxın.

Şərh yaz:

5 Şərh:

  • Anonim
    Ema · 17 İyul 17:2530

    Nə yasln var axl indidən soyuq torpaqa qovuşmaq istəyirsən

    Cavab yaz
    • Anonim
      Salam Ema Necesen. · 17 İyul 19:0600

      Senden tamamile raziyaan

      Cavab yaz
  • Anonim
    cenab · 17 İyul 18:0520

    allah sonumuzu xeyirli etsin. hami borc icindedir. yaziq ne etsin belkede ailesini dolandira bilmir, ya da banka borcu var. kim kefinden ozunu oldurmek isteyer?

    Cavab yaz
  • Anonim
    MiruMir · 17 İyul 18:2030

    Ozunu relslere atmaq da yaman debe duşube. İntahar edeceyine mehkemelere baş vur. O qapida yat qalx, axir evvel bacin o evden cixacaq. El cekme, lazim gelse illerini ver. Millet ne zulumlar cekir, dozur. Bunlar bir şey olmamis canlarina qesd edirler. Besdirin, sudan sebeblerle caniniza qesd etmeyin ...

    Cavab yaz
  • Anonim
    rəşas · 17 İyul 21:2100

    Nə yaxşı dəlidi demədilər

    Cavab yaz

XƏBƏR LENTİ

Copyright © 2015 Milli.Az

Saytdakı materialların istifadəsi zamanı istinad edilməsi vacibdir. Məlumat
internet səhifələrində istifadə edildikdə hiperlink vasitəsi ilə istinad mütləqdir.