Ölkə

Dövlət İmtahan Mərkəzinin səlahiyyəti artırıldı

15 İyul 2017 11:27
1 Şərh     Baxış: 1 038

Dövlət İmtahan Mərkəzi (DİM) publik hüquqi şəxsin Nizamnaməsində dəyişikliklər edilib.

Mərkəzdən Milli.Az-a verilən məlumata görə, dəyişikliklərdən sonra DİM ümumi təhsil pilləsində təhsilalanların yekun qiymətləndirilməsini (attestasiyasını), orta ixtisas təhsili müəssisələrinə, ali təhsil müəssisələrində ali təhsilin bakalavriat və magistratura (tibb təhsili üzrə əsas təhsil və rezidentura) səviyyələri ilə yanaşı "bakalavriat səviyyəsində hazırlıq qruplarına" mərkəzləşdirilmiş qaydada tələbə qəbulunu həyata keçirəcək.
 
DİM eyni zamanda bakalavriat səviyyəsində hazırlıq qruplarına keçid ballarını müəyyən edəcək (Təhsil Nazirliyi ilə razılaşdırmaqla) və həmin qruplarda tədrisin sonunda buraxılış imtahanlarını keçirəcək.
 
Dəyişiklik nəticəsində Nizamnamənin  1.1-ci yarımbənddə "ali və orta ixtisas təhsili müəssisələrinə"  sözlərindən sonra ", bakalavriat səviyyəsində hazırlıq qruplarına" sözləri, 2.1.2-ci yarımbənddə "səviyyələrinə" sözündən sonra "bakalavriat səviyyəsində hazırlıq qruplarına" sözləri, 2.1.3-cü yarımbənddə "keçid ballarını" sözlərindən sonra "bakalavriat səviyyəsində hazırlıq qruplarına keçid ballarını" sözləri əlavə edilib.
 
Eyni zamanda 2.1.3-1-ci yarımbəndə "2.1.3-1. "Təhsil haqqında" Azərbaycan Respublikasının Qanununa uyğun olaraq, bakalavriat səviyyəsində hazırlıq qruplarında tədrisin sonunda buraxılış imtahanlarını keçirir;"; 3.1.10-cu yarımbənddə "keçirmək" sözündən sonra ", ödənişli elektron xidmətlər göstərmək" sözləri, 3.1.10-1-ci yarımbəndə təsərrüfat cəmiyyətləri yaratmaq;" sözləri əlavə olunub.

Milli.Az

Digər maraqlı xəbərlər Milli.Az-ın Facebook səhifəsində

Система Orphus * Mətndə orfoqrafik səhv aşkar etdinizsə, səhv olan hissəni qeyd edib Ctrl + Enter düymələrini sıxın.

Şərh yaz:

1 Şərh:

  • Anonim
    Müəllim · 15 İyul 15:4100

    Bax bu əla qərardır alqışlayıram

    Cavab yaz

XƏBƏR LENTİ

Copyright © 2015 Milli.Az

Saytdakı materialların istifadəsi zamanı istinad edilməsi vacibdir. Məlumat
internet səhifələrində istifadə edildikdə hiperlink vasitəsi ilə istinad mütləqdir.