Ölkə

25 min manatlıq mal-qara oğurlayanlar tutuldu - VİDEO - FOTO

14 İyul 2017 12:46
0 Şərh     Baxış: 381

Sabirabad RPŞ-nin əməkdaşları fərdi təsərrüfatlardan ümumi dəyəri 25 min manatdan artıq olan olan iri-buynuzlu mal-qara oğurlayan şəxsləri saxlayıb.

DİN-dən Milli.Az-a verilən məlumata görə, vətəndaşlara məxsus şəxsi təsərrüfatlardan iri və xırda buynuzlu mal-qara oğurlayan şəxslərə qarşı mübarizə tədbirlərini gücləndirmək məqsədi ilə daxili işlər orqanları tərəfindən əməliyyat tədbirləri davam etdirilir.

Sabirabad Rayon Polis Şöbəsi əməkdaşlarının keçirdikləri əməliyyat-axtarış tədbirləri nəticəsində Sərxanbəyli kənd sakini Xanəhməd Məmmədova məxsus yardımçı təsərrüfatdan 2 baş inək oğurlamaqda şübhəli bilinən Bərdə rayon sakini, əvvəllər məhkum olunmuş İlyas Bədəlov və onun dayısı oğlu Xocavənd rayon sakini, əvvəllər məhkum olunmuş Ramil Cəfərov tutulublar.

Saxlanılan şəxslərin ətraflarında əməliyyat tədbirləri davam etdirilən zaman onların Sabirabad və ətraf rayonların ərazilərində yerləşən 13 fərdi təssərrüfadan ümumi dəyəri 25 min manatdan artıq olan 20 iri buynuzlu mal-qara oğurladıqları məlum olub.

Qeyd edək ki, İ.Bədəlov və R.Cəfərov oğurladıqları mal-heyvanların bir qismini Bərdə rayonunda yerləşən bazarda sataraq əldə etdikləri pulu aralarında bölüblər. Heyvanların qalan hissəsi isə İ.Bədəlovun Bərdə rayonunda yerləşən evinin həyətindən aşkar edilərək zərərçəkənlərə qaytarılıb.

Qeyd edilən faktlarla bağlı Cinayət Məcəlləsinin müvafiq maddələri ilə cinayət işləri başlanılıb, istintaq-əməliyyat tədbirləri davam etdirilir.

Pünhan Mirzə

Milli.Az

Videonu izləmək üçün şəklə klikləyin:
25 min manatlıq mal-qara oğurlayanlar tutuldu

Digər maraqlı xəbərlər Milli.Az-ın Facebook səhifəsində

Məqaləyə dair fotomateriallar:

Система Orphus * Mətndə orfoqrafik səhv aşkar etdinizsə, səhv olan hissəni qeyd edib Ctrl + Enter düymələrini sıxın.

Şərh yaz:

0 Şərh:

XƏBƏR LENTİ

Copyright © 2015 Milli.Az

Saytdakı materialların istifadəsi zamanı istinad edilməsi vacibdir. Məlumat
internet səhifələrində istifadə edildikdə hiperlink vasitəsi ilə istinad mütləqdir.