Ölkə

Qanla yazılan nağıl - "Zəhranın nağılı"

14 İyul 2017 14:29
14 Şərh     Baxış: 2 775

Şirin-şirin yuxudaydıq,

Bir zalım oyatdı bizi.

Anaların qucağından

Bu dünyaya atdı bizi.


Biz ki, yol nədi bilməzdik,

Biz ki, öl nədi bilməzdik.

Bilsək, dünyaya gəlməzdik

Analar aldatdı bizi...

(Ramiz Rövşən)

Biri vardı, biri yoxdu, Zəhra adlı balaca bir qız vardı...

Heç belə başlayan bir nağıl eşitmişdinmi? Anlaya bilirdinmi nağılları artıq? Hərf də bilmirdin, sən, eləmi? Amma mənim sənə yazdığım bu məktubu oxuya biləcəksən, əminəm. Çünki burada sadəcə sənin üçün yazılan bir nağıl var...

Sən ki "Qorxulu nağıllar"ı oxumadan qorxulu faciənin qurbanı oldun... Sən ki nağıl danışmağı xahiş edə bilmədən al qanına boyanıb şəhidlik zirvəsinə ucalmağı bacardın... Sən ki mələk kimi doğulub, mələk ikən mələyə çevrildin... Zəhra... Quzum... Gəl, bu gecə sənə nağıl danışım...

Mələyim, amma bu nağıl çox fərqlidir, bilirsənmi? Heç başqa uşaqların dinlədiyi nağıllara bənzəmir. Zəhra adlı bir balaca qızdan danışır bu nağıl... Günlərdir bütün Azərbaycanın yana-yana söz açdığı, uşaq bezində qanlar içində uyuyan şəklini hər kəsin beyninə həkk etdiyi bir körpədən.. Az gedib, uz gedən, amma çox yol qət edən... Dərə-təpə aşmayan, amma düz yolda yıxılıb qalan... Kiçik ömrünə böyük bir ağrını sığışdıran... Həmyaşıdlarının üzünü FACE ART deyib al-əlvan boyalarla rənglədiyi bir vaxtda, bapbalaca siması qanla boyanan... Dünyadan xəbərsiz, amma dünyanın onu unutmadığı...

Oyuncaqları yatağı ustdə düzülən körpələrdən fərqli olaraq, gəlinciyi təzəcə uyuduğu torpaq üzərində çiçəklərə qərq olan məsum bir körpə haqqındadır nağılım...

Bilirsən, gözəl bala, mən də sənin doğulduğun, amma boya-başa çata bilmədiyin torpaqda - Füzulidə dünyaya göz açmışam. O vaxt Füzuliyə atılan güllələr bizi sadəcə uşaqlığımızdan ayırdı, evimizdən, məktəbimizdən, torpağımızdan ayırdı. Uşaq dünyamızı içimizə həbs edib, başqa cür böyüyəsi olduq... O vaxt digər həmyaşıdlarımız da bizdən fərqlənirdi... Amma biz böyüdük ən azından, sadəcə ruhumuz uşaq qaldı. Amma sən özün uşaq qaldın... Sən böyüyə bilmədin... Sənin nağılın ən qısa yazılıb, ən uzun danışılan nağıl oldu... Sənin nağılın 3-4 cümləyə sığıb, minlərlə ürəyə, beyinə, dilə sığmayan bir nağıl oldu... Sənin nağılın heç sağalmayacaq bir yara, sözlə ifadə edilə bilməyən acı, fəryadla yetinməsi mümkün olmayan bir hönkürtü, göydən almaların yox, güllələrin töküldüyü, yarımçıq bir nağıl oldu...

Niyə yarımçıq, bilirsənmi? Kitabın hələ çox təzəydi, balaca... Sadəcə ilk səhifəsi yazılmışdı... Mürəkkəbin yetmədi, quzum, sındı, dağıldı... Qanla yazmaq istədin... O da yetmədi... O balaca bədəndə nə qədər qan qalmışdı ki???

"Uşaqlar ölməsin!" - deyə bar-bağıran dünya! Uşaqlar ölür... Körpələr qətl edilir... Hanı sənin ədalətin?! Hanı sənin şəfqətin?!

Zəhra!!! Küsüb getmə, bala... Dünyadan küssən də, səni sevənlərdən inciyib getmə... Anan sənə nağıl danışa bilmədi bəlkə... Amma sən onu tək qoyma... Yuxusuna gəl, nağıl söylə ona... Amma öz nağılını yox... Başqasını... Yaşat, ANAnı... ANALAR da ÖLMƏSİN... Zəhraları dünyaya gətirən analar yaşamağa güc tapsın!

Billurə Aslanqızı,

BDU-nun Jurnalistika fakültəsinin müəllimi

Milli.Az

Şərh yaz:

14 Şərh:

  • Anonim
    Seva--- · 14 İyul 14:3130

    Nece kusmesin ki o mundar millet gelib burda rahat gezir

    Cavab yaz
  • Anonim
    Nika · 14 İyul 14:3330

    Ay Allah bu ne dertdi.gozyzslarimi saxlaya bilmirem

    Cavab yaz
  • Anonim
    nice · 14 İyul 14:3430

    Vay vay

    Cavab yaz
  • Anonim
    Esra ibrahimli (Samaxi) · 14 İyul 14:5080

    Qirmizi qanla Tarix yazan ZEHRA. ALLAH seni boyumeye qoymayan, omrunu yarida kesen, qatil dusmene bala dagi versin. AMIN!

    Cavab yaz
  • Anonim
    !!! · 14 İyul 14:5040

    Allah size min lenet elesin uwaq qatilleri goru zehralara silah tutanin balasinin naqili yarimciq qalsin Allahim sen onun anasinin sebrini ver cox aqirdir itgidi dozulmezdi

    Cavab yaz
  • Anonim
    Aze_Boy · 14 İyul 14:5330

    Bu nagili kim yazibsa eline saglik.Men teklif ederdim bu nagil bir nece dillere tercume edilerek internetde yayilsin.Bunun ucun genclerimiz feal olmalidirlar.BU Butun dunyadaki xarici gelnclerinde bas verenleri anlamasi ve ermenistanin terror dovleti oldugunu gosteren subutdur

    Cavab yaz
  • Anonim
    afa · 14 İyul 14:5761

    Cox sag olun,Ramiz Rovsen.Cox sag olun,Billure muellime.Evvelden axira qeder nece defe goz yaslarim sineme tokuldu.Yangili setirlere,duygulu sozlere gore her ikinize tesekkurler.Urek yanmasa gozden yas cixmaz deyib atalar.Urek yangisi Sizleri bele ser ve meqale yazmaga sovq edib.Ureyinize sagliq.Allah bir de bizlere bele aci yasatmasinAmin.

    Cavab yaz
  • Anonim
    Fd · 14 İyul 15:1780

    Allah rehmet elesin

    Cavab yaz
  • Anonim
    Umrao · 14 İyul 16:1660

    Bashligi gorub kecmek olmur,yazmaga da oz tapmiram.Zehra yoxdu((agrili ana ata var,bizler heyata davam edirik,dushmense at oynadir hele de.Qorxursan ki goresen novbede kim olacaq?Axi cezasiz qalan qatil yene de qetller toretmekde davam edecek.

    Cavab yaz
  • Anonim
    Gunay · 14 İyul 16:1840

    Yurdumun korpe şehidi sene qıyılan eller qırılsın.......Çox sagol Billure Aslanqızı

    Cavab yaz
  • Anonim
    Əliyev · 14 İyul 16:5580

    Allah rehmet eləsin

    Cavab yaz
    • Anonim
      teselli · 14 İyul 17:2760

      nesliniz kokunuz kesilsin sizin mundarlar!bir omru yarimciq qoydunuz. bir aileye o boyda derd verdiniz. bir insani hem anadan hem baladan etdiniz. bu derde kim dozer. Allah sebr versin

      Cavab yaz
  • Anonim
    Sevda.R · 14 İyul 17:4730

    Can bala... Sənə qıyanların əzizləri ölsün...

    Cavab yaz
    • Anonim
      Camal · 15 İyul 11:5420

      Allah sana rehmet elasin

      Cavab yaz

XƏBƏR LENTİ

Copyright © 2015 Milli.Az

Saytdakı materialların istifadəsi zamanı istinad edilməsi vacibdir. Məlumat
internet səhifələrində istifadə edildikdə hiperlink vasitəsi ilə istinad mütləqdir.