Ölkə

"Hacı Mazan" Cavanşir Paşazadənin ortağına ağır cəza istədi

13 İyul 2017 14:10
0 Şərh     Baxış: 1 068

Bakı Apellyasiya Məhkəməsində  mənimsəmə, dələduzluq və vergidən yayınmaqda təqsirləndirilərək 9 il müddətinə azadlıqdan məhrum edilən Müğdət Həşimovun barəsindəki hökmdən verilən şikayət üzrə məhkəmə prosesi keçirilib.

Mili.Az qafqazinfo-ya istinadən xəbər verir ki, hakim Mirpaşa Hüseynovun icraatında olan prosesdə zərərçəkmiş "hacı Mazan" kimi tanınan iş adamı Ramazan Zeynalov da M.Həşimova daha ağır cəza verilməsini istəyib.

M.Həşimovun vəkili Elçin Sadıqov vəsatətə verərək deputat Cavanşir Paşazadənin dindirilməsini istəyib.

Vəsatət təmin edilməyib.

"Hacı Mazan"ın vəkili isə deyib ki, M.Həşimova 20 il də cəza verilə bilərdi.

Təqsirləndirilən M.Həşimov isə belə cavab verib: "Mülki işi bu həddə çatdırıblar, yenə də əl çəkmirlər. Əməlli-başlı şou düzəldiblər. 20 il verin. Mənim də bu komediyadan canım qurtarsın".

E.Sadıqov isə çıxış üçün məhkəmədən vaxt istəyib. Proses iyulun 14-də davam etdiriləcək.

Qeyd edək ki, M.Həşimov millət vəkili Cavanşir Paşazadənin biznes ortağı olub.

Müğdət Həşimov deputat C.Paşazadənin himayəsində olan "Aygün-C" MMC-nin təsisçiləri ilə 2012-ci ilin 6 dekabrında rəsmi qaydada "Birgə fəaliyyət haqda" müqavilə bağlayıb. Şərtlərinə görə, M.Həşimovla iş birliyində Allahşükür Paşazadənin həyat yoldaşı və oğlu, Cavanşir Paşazadənin qızı və kürəkəni olub. Klinika C.Paşazadənin adına olan 1255 kv.metrlik qeyri-yaşayış sahəsində açılıb. Şəriklik əsasında M.Həşimov "Medi-Sina" MMC-nin təsisçisi olaraq, fəaliyyətə başlayıb. Bu iş üzrə "Hacı Mazan" ləqəbli iş adamı Ramazan Zeynalov zərərçəkmiş şəxs kimi tanınıb.

M.Həşimov "Medi-Sina" klinikasına avadanlıqların alınması məqsədilə ayrılmış vəsaitdən 193 min manatın mənimsənilməsində ittiham olunur. 

Milli.Az

Digər maraqlı xəbərlər Milli.Az-ın Facebook səhifəsində

Şərh yaz:

0 Şərh:

XƏBƏR LENTİ

Copyright © 2015 Milli.Az

Saytdakı materialların istifadəsi zamanı istinad edilməsi vacibdir. Məlumat
internet səhifələrində istifadə edildikdə hiperlink vasitəsi ilə istinad mütləqdir.