Ölkə

Qəbir üstündə Youtube-dan Quran oxunması düzgündür? - İlahiyyatçıdan AÇIQLAMA

13 İyul 2017 11:24
23 Şərh     Baxış: 1 426

Sosial şəbəkələr həyatımıza o dərəcədə sirayət edib ki, bütün sevinc və kədər hislərimizi paylaşmadan keçə bilmirik. Hətta o dərəcədə də ki, ölüylə, qəbir üstündə şəkil çəkdirməklə bunu "ənənə"yə çevirməkdəyik.

Sosiallaşan həyatımızda yaxınını itirənin başsağlığını artıq sosial şəbəkə, xüsusilə də Facebook üzərindən qəbul etməsi normal qarşılanmaqdadır. Sosiallaşmanın ən pik həddi isə qəbir üstündə molla tərəfindən Quran oxunmasının səsyazısı ilə əvəzlənməsidir.

Bəziləri yalançı, nə oxuduğunu özündən başqa heç kim bilməyən mollaya 3-5 manat verib "Yasin" oxutdurmaqdansa, elə telefonda səsyazısı, yaxud Youtube-dan Quran oxuyanın videosunun izlənilməsini daha məqbul hesab edir. Hətta bunu namaz vaxtı telefonlarda Azan oxunması ilə müqayisə edənlər də var...

Milli.Az xəbər verir ki, tanınmış ilahiyyatçı, Məşədi Dadaş məscidinin imam-camaatı Hacı Şahin Həsənli modern.az-a deyib ki, qəbir üstündə Quran oxunmasının Allah qatında savabı çoxdur:

"İslamda dünyadan köçmüş insan üçün Quranın savabının hədiyyə edilməsi var. Bəzən soruşurlar ki, ölüyə niyə Quran oxunur? Əslində ölüyə Quran oxunmur. Quranın savabı dünyadan köçmüş insana hədiyyə edilir. Necə ki, istənilən insan özündən sonra bir kitab yazıb qoymuş olsun, məscid tikdirmiş olsun, xeyriyyə evi yaxud qonaqlar üçün yataqxana tikdirmiş olsun, bir bulaq qazdırsın və s. Bütün bunların savabı öləndən sonra da ona çatır. Quran oxunan zaman həm də onu oxuyan savab qazanır, bir şərtlə ki, bilən adamlar tərəfindən düz oxunsun".
 
Hacı Şahin bildirir ki, İslam Youtube-dan, yaxud hansısa səsyazısından Quran oxunmasını, dinlənilməsini qadağan etmir:

"Amma Quranın canlı oxunması tamamilə başqadır. Burada Quranın özü ilə insanların təması çox bəyəniləndir. Qəbir üstündə Quranın səs yazısından səslənməsi dini baxımdan qadağan olunmasa da, mən bunu düzgün hesab etmirəm. Azan məsələsi tamamilə fərqlidir. Azan məscidlərdə canlı oxunur. Sadəcə bəzi proqramlar var ki, telefona yazdırmaqla namazın vaxtını bilmək olur. Amma Quranın oxunması mahiyyət etibarilə fərqlidir. Hətta mən tövsiyə edirəm ki, Quran ərəbcə oxunduqdan sonra tərcüməsi də deyilsin, izah edilsin".

Milli.Az

Digər maraqlı xəbərlər Milli.Az-ın Facebook səhifəsində

Система Orphus * Mətndə orfoqrafik səhv aşkar etdinizsə, səhv olan hissəni qeyd edib Ctrl + Enter düymələrini sıxın.

Şərh yaz:

23 Şərh:

  • Anonim
    cavab · 13 İyul 11:3130

    Allah cemi rehmete gedenlee rehmet elesin Bineyi qedimden xeyir ve ser bir yerdedirHer halda pul tokub toy edirler,muqenni ise sesine guc vermek evezine fonoqramani ise salirsa,yeqin ki qebir ustunde de sesyazma ile quranimizzi oxumaq olar

    Cavab yaz
  • Anonim
    Mamed · 13 İyul 11:474110

    Ölüyə Quran oxunması düzgün deyil. Quran insanları doğru olan Allah yoluna dəvətdir, öldükdən sonra insanın bu dünyada missiyası bitmiş hesab edilir və qiyamət günü qiymətini alacaq. Toydan sonra nağara məsəli timsalında mollalar üçün iş, gəlir yeridir. Farslardan gəlmə bir şeydir və daimi islamdan çıxıb seçilməyi xoşlayan fars mollalarının başında duranlar tərəfindən qorunub saxlanır.

    Cavab yaz
  • Anonim
    BAHAR · 13 İyul 12:0100

    Vallah onu bunu bilmirəm mən bodrumda şahidi olduğumu yazıram ordan məsciddən azan və ya dua səsi gələndə hər dəfəsində bilinirdi lent yazısıdı.bizdə fikirləşirdik ki heç olmazsa elə etsinlər bilinməsin.

    Cavab yaz
  • Anonim
    eldaniz · 13 İyul 12:04551

    Mamed deyir ki , oluye quran oxumasinlar - bes onda ne oxusunlar ? Hamimiz cox yaxsi bilirik ki , Quran Islamin konstitusiyasidir .Elbette ki her bir muselamanin stolustu kitabi olmalidir .Ondan faydalanmaliyiq .Bu fikirle raziyam. Mamed deyir ki , oluye quran oxumasinlar - bes onda ne oxusunlar ?

    Cavab yaz
    • Anonim
      Mamed · 13 İyul 12:583108

      Ölüyə nəsə oxumağa ehtiyac yoxdur. Sadəcə Allahdan ona rəhmət diləmək və bağışlanması üçün dualar etmək lazımdır. Quranı dirilərçün oxumaq və izahını vermək lazımdır ki, insanlar Allahın onlara buyurduğu yolun hansı olduğunu anlasınlar və pis əməllərdən çəkinsinlər. Quran dirilərçün göndərilib ki, haqqı batildən ayırsınlar. Ölünün, nə oxuduğunu anlmayan bir mollaya və nə də möhtəşəm mərmərdən borc xərclə düzəldilmiş baş daşına ehtiyacı yoxdur. Bu dəyərləri vəhabilərin adına yazmayın və bunu deyənlərə vəhabi deməyin ki, vəhabilər də sevinməsin ki, baxın doğrunu biz gətirdik söylədik.

      Cavab yaz
  • Anonim
    11:47- ye · 13 İyul 12:06651

    Bildiyinizi danisin selefiler bir söz salib agziniza tutuqusu kimi tekrar edirsiniz

    Cavab yaz
    • Anonim
      Mamed · 13 İyul 13:121106

      Tutarlı danışmaq lazımdır. Bu dəyərləri nə sələfilərə, nə vəhabilərə, və nə də İŞİD-çilərə yazmayın. Bunlar müsəlmana aid olan dəyərlərdir. Fars mollalarının, ayətullahlarının də fətvasına getməyin onlar da vəhabilərdən geri qalmırlar öz mənafelərinə görə. Quranı diri ikən oxuyaq ki, Allahın bizlərə buyurduğu haqq yolunu tutub pis əməllərdən çəkinək. Quran dirilərçündür! Qəbirləri isə ziyarət etmək lazımdır ki, hər kəsin sonunun ora olduğunu, qiyamət günü hər kəsin əməllərinə görə cavab verməli olacağını hər dəfə xatırlasın insan və bəlkə Allah onu islah etdi.

      Cavab yaz
  • Anonim
    Elshan · 13 İyul 12:27146

    "...oluye savabi chatir..." - bu nece basha dushulmelidir? Olen insan olduyu andan sonra artiq hec bir shey qazanmir, ne gunah, ne savab! Onun adina savab gondermek ne demekdir?

    Cavab yaz
  • Anonim
    Cheburashk@(-_-)@ · 13 İyul 12:30353

    Sonra da You Tube- daki hemin o videoya o biri dunyadan coxlu kommentler yazilib layklar gelir )

    Cavab yaz
  • Anonim
    N▪ · 13 İyul 12:46610

    11:47,Qəbr ziyarətində oxunan Quran - dəvət, dərs kimi deyil, savab kimi oxunur. Yəni insan özü də mərhumun günahalarının bağışlanmasını diləyib dua edə bilər, ya da Quran oxuya bilər. Bunu anlamaq çox çətindir ?

    Cavab yaz
    • Anonim
      Mamed · 13 İyul 13:232105

      Quranı ölüyə oxumaqla ona savab gəlir deyə bir şey yoxdur. Savab Quranı oxuyanın özünə və əməl edənin özünə gəlir. Siz ölüyə oxuduğunuz "Yasin" surəsində yəqin ki, nə deyildiyini bilmirsiz. Yasin surəsinin tərcüməsi ilə tanış olun və baxın dünyasını dəyişmiş insana bunları oxumaq gec deyilmi.

      Cavab yaz
  • Anonim
    N▪ · 13 İyul 13:46720

    13 23, Quranın elə bir surəsi yoxdur ki, onun tərcüməsini oxumayım. Söhbət mütləq surədə nə deyildiyindən getmir,savabdan gedir . ALLAHın kəlamının hər birinin oxunuşunda savab var.Tək Yasin surəsi deyil Fatihə, İxlas və s. ALLAH qəlblərdə , niyyətlərdə olanları biləndir.

    Cavab yaz
    • Anonim
      Mamed · 13 İyul 14:141106

      Yasin surəsini misalçün qeyd etdim. Özünüz də təstiq etdiniz ki, "oxunuşunda savab var". Ölü isə heçnə oxumur və artıq heç bir niyyəti də yoxdur, olsa belə gecdir.

      Cavab yaz
      • Anonim
        N▪ · 13 İyul 16:52530

        Yazdığım ölülərlə bağlı deyildi, onları ziyarət edənlərin niyyətini nəzərdə tuturdum. Niyyətində ölüyə savab kimi oxuyursa, yəni günahının azalması üçün, İnşəAllah ki, ALLAH qəbul edər.

        Cavab yaz
      • Anonim
        Mamede · 13 İyul 22:301105

        Mamed qardas, bunlar sen deyeni cetin basa duseler, hamisi fars medreselerinin Azerbaycan filiallaridir )

        Cavab yaz
        • Anonim
          mən · 14 İyul 10:13630

          Müsəlmana sənin və Mamedin dedikləri yox,Quranın,peyğəmbərin (s) və əhli beyt imamlarının (ə) dedikləri əsasdır.Öz işinlə məşğul olsan,faydasını görərsən.

          Cavab yaz
          • Anonim
            men-e · 14 İyul 11:57069

            sen get Mehdini axtarmaginda ol )

            Cavab yaz
  • Anonim
    mən · 13 İyul 21:43500

    Peyğəmbər (s) ; "Yasin, Qur`anın qəlbidir. Onu bir kimsə oxuyar və Allah`dan axirət səadəti diləyərsə, Allah onu bağışlayar. Yasini ölülərinizin üzərinə oxuyun. " (Müsnəd, 5:26 )

    Cavab yaz
  • Anonim
    mən · 13 İyul 21:44400

    Əbu bəkr :"Kim atasının və ya anasının və ya bunlardan birinin qəbirini Cümə günü ziyarət edərək orada Yasin Surəsini oxusa, Allah qəbir sahibini bağışlayar. " (İbni Macə Tərcüməsi, 4:274)

    Cavab yaz
  • Anonim
    mən · 13 İyul 21:57480

    Peyğəmbər (s) : "Ölən kimsə qəbirinin içində boğulmaq üzrə olub da imdad istəyən kimsə kimidir. Atasından yaxud qardaşından və ya dostundan özünə çatacaq duanı gözləməkdədir. Nəhayət dua ona çatdığında bu duanın savabı ona dünya və dünyada olan hər şeydən daha qiymətli olar. Şübhəsiz ki, həyatda olanların ölülər üçün hədiyyələri dua və istiğfardır. " (Mişkatü'l- Məsabih, 1:723)

    Cavab yaz
  • Anonim
    mən · 13 İyul 21:57450

    Hənəfi məzhəbinə görə də, bir insanın qohumunun və ya yaxın dostunun qəbiri başında Qur`an oxuması gözəl hesab olunur (V. Zuhayli, əl-Fıkhu'l-İslami, 8/49). Bu ifadələr də Hənəfi alimlərinə aiddir. "Əhli- Sünnə və camaata görə, bir insan namaz, oruc, Qur`an oxumaq, zikr, həcc kimi işlədiyi gözəl əməllərinin savabını başqasına hədiyyə edə bilər" (bax. Fəthu'l-qadir, 6/132; əl-Bahru'r-Raik,7/379- Şamılə-; Rəddu'l-Muxtar, 2/263).

    Cavab yaz
  • Anonim
    mən · 13 İyul 21:58420

    Maliki məzhəbində isə -şərtsiz olaraq- birinin, öz qəbiri üzərində Qur`an oxunmasını tövsiyə etməsi caizdir. (V. Zuhayli, əl-Fıkhu'l-İslami, 8/51). - Şafii və Hənbəli məzhəbinə görə, adamın öz qəbiri üzərində Qur`an oxumağı vəsiyyət etməsi caizdir. Çünki, bu üç halda Qur’ân oxumanın savabı ölüyə çatar: Qəbirin yanında oxumaq, oxyandan sonra dua etmək, savabını ölünün ruhuna niyyət edərək oxumaq.(bax. V. Zuhayli, əl-Fıkhu'l-İslami, 8/51).

    Cavab yaz
  • Anonim
    mən · 13 İyul 22:00450

    Şafii alimlərindən İbn Həcər; "Hər ölüyə, oxunan Qur`anın savabı bölünmədən tam olaraq çatar, bu Allah’ın geniş rəhmətinə ən uyğunudur" deyə cavab vermişdir. (bax. Buğyətu'l-mustərşidin, s. 97).

    Cavab yaz

XƏBƏR LENTİ

Copyright © 2015 Milli.Az

Saytdakı materialların istifadəsi zamanı istinad edilməsi vacibdir. Məlumat
internet səhifələrində istifadə edildikdə hiperlink vasitəsi ilə istinad mütləqdir.