Ölkə

Bakının mərkəzində qəza - "Opel"lə BMW toqquşdu - FOTO

13 İyul 2017 10:11
0 Şərh     Baxış: 462

Bakının mərkəzində yol qəzası baş verib.

Milli.Az APA-ya istinadən xəbər verir ki, hadisə Zərifə Əliyeva küçəsində qeydə alınıb.
 
Zərifə Əliyeva küçəsi ilə Neftçilər prospekti istiqamətində hərəkət edən "Opel" markalı avtomobil işıqforun qırmızı işığında dayanıb. Arxadan yüksək sürətlə gələn BMW markalı avtomobil isə ona çırpılıb. Qəza nəticəsində xəsarət alan olmasa da, avtomobillərə ziyan dəyib. Qəzanın nəqliyyatın hərəkətinin sıx olduğu küçədə baş verməsi tıxaca səbəb olub. Qəzaya uğrayan avtomobillər cərimə meydançasına aparıldıqdan sonra yolda normal hərəkət bərpa edilib.
 
Yol polisi əməkdaşları hadisə yerində müayinələr aparıblar. İlkin ehtimala görə, qəzaya BMW markalı avtomobilin yüksək sürətlə hərəkət etməsi və sürücünün işıqforun yaşıl işığının yanacağını güman edərək sürəti azaltmaması səbəb olub.
 
Faktla bağlı araşdırma aparılır. Qeyd edək ki, BMW markalı avtomobilin sürücüsündə Avtonəqliyyat vasitəsi sahiblərinin mülki məsuliyyətinin icbari sığortası yoxdur.

Milli.Az

Digər maraqlı xəbərlər Milli.Az-ın Facebook səhifəsində

Məqaləyə dair fotomateriallar:

Система Orphus * Mətndə orfoqrafik səhv aşkar etdinizsə, səhv olan hissəni qeyd edib Ctrl + Enter düymələrini sıxın.

Şərh yaz:

0 Şərh:

XƏBƏR LENTİ

Copyright © 2015 Milli.Az

Saytdakı materialların istifadəsi zamanı istinad edilməsi vacibdir. Məlumat
internet səhifələrində istifadə edildikdə hiperlink vasitəsi ilə istinad mütləqdir.