Ölkə

Göyçay sakininin qətlində həyat yoldaşı da şübhəli bilinir - YENİLƏNİB - VİDEO - FOTO

19 İyun 2017 22:17
20 Şərh     Baxış: 9 769

19:00

Göyçay rayonunda amansızlıqla törədilən qətl hadisəsinin təfərrüatı məlum olub.

Milli.Az APA-ya istinadən xəbər verir ki, rayonun Çərəkə kənd sakini, 1980-ci il təvəllüdlü Musayev Sadiq Asif oğlunun 2 bıçaq, 3 balta xəsarəti ilə öldürüldüyü məlum olub.

Hadisəni törətməkdə şübhəli bilinən Ucar rayon sakini, Göyçayın Müskürlü kəndində  yaşayan Seymur Xanməmmədovla yanaşı mərhumun həyat yoldaşı, 1986-cı il təvəllüdlü Musayeva Arzu Güləhməd qızı şübhəli şəxs qismində saxlanılıb.
 
Qətli törədən şəxsin Sadiq Musayevin dostu olduğu bildirilir.
 
Sadiq Musayevin yaxın qohumları Tərlan və Sərxan Qasımovlar APA-nın yerli bürosuna bildiriblər ki, hadisə iyunun 14-də, "Son zəng" günü baş verib.
 
Məlumata görə, S. Xanməmmədov Sadiqin evinə tez-tez gəlirmiş: "Həmin gün həyətdə oturub yeyib-içiblər, aralarında söz-söhbət olub. Seymur bıçaq və balta ilə Sadiqi arvadının və 4 azyaşlı uşağının gözü qarşısında amansızlıqla qətlə yetirib".
 
Bildirilib ki, Seymur dostunun həyat yoldaşı Arzu Musayeva ilə əlbir olaraq gecə saatlarında evin arxasında quyu qazaraq Sadiqin meyitini torpağa basdırıblar. Arzu Musayeva qayınanasına deyib ki, Sadiq fəhlə işləmək üçün evdən gedib, amma geri qayıtmayıb.
 
Deyilənə görə, Sadiqin anası və qohumları 3 gün onun yolunu gözləyib. Yaxınları həyətdə Sadiqin ayaqqabılarını tapıblar və bundan sonra onun harasa işləməyə getmədiyinə əmin olublar. Bundan sonra Göyçay rayon Polis Şöbəsinə onun itkin düşməsi barədə məlumat verilib.
 
Arzu Musayeva evə gələn polis əməkdaşlarına ərinin itkin düşdüyünü deyib, polis əməkdaşları həyətə baxış keçirəndə onun meyitinin torpağa basdırıldığı məlum olub: "Məlum oldu ki, Arzu Musayeva ərinin dostu ilə əlbir olaraq onun meyitini basdırıb və ona görə də polisə, qohumlara həyat yoldaşının itkin düşməsi barədə yalan məlumat verib. Arzu Musayevanın faktı nəyə görə gizlətdiyini, polisə və bizə yalan məlumat verməsinin səbəbini hələ də başa düşə bilmirik".
 
Hadisənin şahidi olan Sadiq Musayevin 11 yaşlı oğlu Ömər Musayev isə bildirib ki, atasının qatili Seymur onların evinə tez-tez gəlirmiş və həmişə gələndə yeyib-içdikdən sonra dava salırmış: "Seymur atama araq və pivə alıb gətirirdi. O, atamı balta ilə ölürdü, kürəyinə bıçaqla vurdu, sonra meyitini apardı evin arxasına basdırmağa".
 
Dörd uşaq anası olan Arzu Musayeva və qətli törədən Seymur Xanməmmədov saxlanılaraq istintaqa təhvil verilib.
 
Faktla bağlı Göyçay rayon Prokurorluğu tərəfindən araşdırma aparılır.     

-----------

11:53

Göyçay rayonunda törədilən qətlin təfərrüatları məlum olub.

Milli.Az-ın Trend-ə istinadən məlumatına görə, hadisə iyunun 18-də rayonun Çərəkə kəndində baş verib. Kənd sakini, 1980-ci il təvəllüdlü Musayev Sadiq Asif oğlunun yaşadığı evdə qətlə yetirilmiş meyiti tapılıb. İlkin olaraq S.Musayevin həyat yoldaşı, 1986-cı il təvəllüdlü Musayeva Arzu Güləhməd qızı hadisə ilə bağlı Göyçay Rayon Prokurorluğuna çağırılsa da, ifadəsi alınandan sonra sərbəst buraxılıb. A.Musayevanın ifadəsi əsasında davam etdirilən əməliyyat-istintaq tədbirləri nəticəsində hadisəni törədən şəxsin kimliyi məlum olub. Müəyyən edilib ki, S.Musayevi həmkəndlisi, 1984-cü il təvəllüdlü Xanməmmədov Seymur Gündüz oğlu qətlə yetirib. S.Xanməmmədov şübhəli şəxs qismində saxlanılaraq istintaqa cəlb edilib.

Məlumata görə, qətl hadisəsi şəxsi münaqişə zəminində baş verib. Belə ki, S. Musayev və S.Xanməmmədov qətldən bir neçə saat əvvəl içki qəbul ediblər. İçkili olan həmkəndlilər arasında mübahisə baş verib və onlar ayrılıblar. Sərxoş vəziyyətdə olan S. Xanməmmədov bir neçə saat sonra S. Musayevi öldürmək qərarına gəlib və onlara yollanıb. O. S.Musayevi yatdığı yerdə yaxalayıb və qətlə yetirib.

Xatırladaq ki, qətlə yetirilən S.Musayev 4 azyaşlı uşaq atasıdır.
Faktla bağlı Göyçay rayon Prokurorluğunda Cinayət Məcəlləsinin 120.1-ci ( qəsdən adam öldürmə) maddəsilə cinayət işi başlanıb.

----------

10:53

Göyçay rayon sakinini qətlə yetirən şəxsin kimliyi məlum olub.

Milli.Az APA-ya istinadən xəbər verir ki, ötən gün axşam saatlarında rayonun Çərəkə kənd sakini, 1980-ci il təvəllüdlü Musayev Sadiq Asif oğlunun yaşadığı evin həyətində meyiti tapılıb. Onun bıçaq və balta ilə öldürüldüyü bildirilir. Sadiq Musayevin həyat yoldaşı, 1986-cı il təvəllüdlü Musayeva Arzu Güləhməd qızı hadisəni törətməkdə şübhəli bilinərək saxlanılıb.

Kənd sakinlərinin sözlərinə görə, 4 uşaq anası olan Arzu Musayeva dünən hadisə baş verəndən az sonra Göyçay Rayon Polis Şöbəsinə aparılıb və hazırda orda dindirilir.
 
Onun ərini hansı səbəbdən qətlə yetirdiyi, hələ ki, məlum deyil. Qonşuların sözlərinə görə, ailədə tez-tez münaqişə baş verib. Sadiq Musayevin çoban olduğu, eyni zamanda, fəhlə kimi çalışdığı bildirilir.
 
Faktla bağlı Göyçay Rayon Prokurorluğu tərəfindən araşdırma aparılır.  

Milli.Az

----------

22:17

Videonu izləmək üçün şəklə klikləyin:

Göyçay sakininin qətlində həyat yoldaşı da şübhəli bilinir

Məqaləyə dair fotomateriallar:

Система Orphus * Mətndə orfoqrafik səhv aşkar etdinizsə, səhv olan hissəni qeyd edib Ctrl + Enter düymələrini sıxın.

Şərh yaz:

20 Şərh:

  • Anonim
    Esra ibrahimli (Samaxi) · 19 İyun 10:5645

    Hemise tersine yaziya oyrenmisdik er arvadin oldurur, bu defe arvad erini, ozude coban, fehle, dehsettt,yaziq .Allah rehmet elesin xanimda ureye baxxxx.

    Cavab yaz
  • Anonim
    xxx · 19 İyun 10:57123

    Kişi qadını hecnədəndə öldürə bilər, amma qadın kişini hecnədən öldürmür.

    Cavab yaz
    • Anonim
      Aaaaa · 22 İyun 23:0900

      yönü qadın başqa kişilə ərini ölfürmür

      Cavab yaz
  • Anonim
    . · 19 İyun 11:0421

    Dörd uşağı doğunca bedbextin qızı pisdi boşan işle evladıva bax ged türmeye uşağlar qaldı ellerde

    Cavab yaz
  • Anonim
    77777 · 19 İyun 12:1773

    xeberin bawligini yaxwi oxuyun qadin qatil deyil qatil yaxalanib fehlede fehleliyini bileydi 4 azyawli uwagi olan fehle 4 uwgin ruzisini ickiye verib icirse olum ona azdi bele

    Cavab yaz
    • Anonim
      xxx · 19 İyun 12:4030

      Sən xəbərin yenilənmə saatına bax əvvəlcə

      Cavab yaz
  • Anonim
    * · 19 İyun 12:2060

    QADIN YOX ARAQ İCDİYİ ÖLDÜRÜB .AY BƏDBƏXTLƏR BİR BİRİNİZİ NİYƏ QIRIRSIZ BU MİLLƏTİN DÜŞMƏNİ ERMƏNİDİR GEDİB BİR ERMƏNİ ÖLDÜRSƏYDİN AY YAZIQ.

    Cavab yaz
  • Anonim
    $$$Yeraz · 19 İyun 12:2101

    Meqaleni deqiq oxuyun. Gah yazilib qonwusu oldurub gah da yazilibki heyat yoldawi oldurub. Hansina inanaq?

    Cavab yaz
  • Anonim
    Baku · 19 İyun 12:2212

    Qadinin gunahina girdiz..qatil tapildi

    Cavab yaz
    • Anonim
      $.$.$ · 19 İyun 12:3721

      qadin öldurməyib məqaləni duzgun oxuyun zəhmət olmasa munaqişə zəminində qonşu öldurub qadinsa azadlıqa buraxılıb

      Cavab yaz
      • Anonim
        $.$.$ · 19 İyun 20:0300

        biabırcılıq 4 uşaq anası da qətldə iştirak edib daqıl dunya daqıl Allah ölən ataya rəhmət etsin

        Cavab yaz
  • Anonim
    Baku · 19 İyun 19:1130

    Biy qadin da tutuldu..elbir imiwler..bizim polis operativ iwleyir masAllah

    Cavab yaz
  • Anonim
    Murka · 19 İyun 19:1640

    ÖLENDE OLDURENDE hamısının canı cehenneme....Bes bu usaxların gelecek taleleri ,yasadıgları psixoloji sarsıntı, gelecek heyatlarında indiden yazılmış qara leke, bunları fikirlesmek lazımdı...Ölen yaxsi adam olsaydı birinci Ramazanda araq icmezdi, ikinci evine kisi getirmez...Redd olub yeyib icmek isteyirsen get stalovaya... Hele o ''Ana'' ya deyecek söz tapmiram.. kisi pis idi niye dord usax doğurdun... yaxsı idi niye öldururdun..... ne ise.. yenə deyirəm burda bir tek o gozleri qem ve qorxu dolu olan usaglara oldu olan.

    Cavab yaz
    • Anonim
      Türkan · 20 İyun 14:3210

      Hamının da dostu var hamı da yeyib içir düz deyirsiniz evə kişi gətirmək də nədir.Mənim yoldaşım ümumiyyətlə yoldaşım tərəf evə kənar adam girməsinin əleyhinə dirlər.dostu evə gətirmək zad .heç öz kuzenlərinin nə mənim kuzenləriminin də evə gəlməyinə tərəfdar deyil.Çünki heç kəsə etibar yoxdur

      Cavab yaz
  • Anonim
    teselli · 19 İyun 19:2510

    yazig o 4 usag. axmaq valideynlerinin ucbatindan bu yasda nelere wahid olurlar. Allah onlara komek olsun

    Cavab yaz
  • Anonim
    .. · 19 İyun 20:0271

    Yeqinki o kişiyle gezirmiş birleşib bu yazığı aradan götürübler

    Cavab yaz
  • Anonim
    Musa · 19 İyun 23:2732

    bunu bilməyə nə var ki,arvadına görə tez-tez gəlirmiş ,əsil günahkar arvaddır

    Cavab yaz
  • Anonim
    Aliye · 20 İyun 03:1711

    Yeqin qadin erini olduren kisiyle gezirmis cox gumanki.indi debdedi bele seyler.ona gore elbir olub.

    Cavab yaz
  • Anonim
    kiwi sozu · 20 İyun 12:3600

    caaan yaziq balalar

    Cavab yaz
  • Anonim
    aaaa · 22 İyun 23:1600

    günah qadındadır

    Cavab yaz

XƏBƏR LENTİ

Copyright © 2015 Milli.Az

Saytdakı materialların istifadəsi zamanı istinad edilməsi vacibdir. Məlumat
internet səhifələrində istifadə edildikdə hiperlink vasitəsi ilə istinad mütləqdir.