Ölkə

Sudan xlor iyi gələndə...

21 Aprel 2017 14:47
7 Şərh     Baxış: 3 115

Bakıda mənzillərə verilən suyun tərkibinə xlorun normadan artıq vurulması barədə paytaxt sakinlərindən müraciətlər var. Paytaxtın Xətai rayonu General Əliağa Şıxlinski küçəsində və Suraxanı rayonu, Bülbülə qəsəbəsində, Sabunçu rayonunun qəsəbələrində və digər yerlərdə yaşayanlar deyirlər ki, sudan tez-tez kəskin xlor iyi gəldiyinə görə ondan yemək bişirmək və içmək, çay qaynatmaq üçün istifadə edə bilmirlər.

Milli.Az xəbər verir ki, şikayətlərlə bağlı "Azərsu" ASC ilə əlaqə saxladıq. ASC-nin mətbuat xidmətinin rəhbəri Anar Cəbrayıllı virtualaz.org-a açıqlamasında bildirdi ki, suyu təmizləmək üçün tərkibinə vurulan xlor yol verilən miqdardan çox deyil: "Suyun xlorlanması standartlara uyğun olaraq həyata keçirilir. Bu proseslər avtomatlaşıb və burada insan amili yoxdur. Suyun tərkibinə vurulan xlorun yol verilən miqdarı 0,3-0,5 mq/l-dir. Ola bilər ki, bir gün 0,2 mq/l vurulsun, o biri gün 0,3 mq/l və bu baxımdan həssas olan insanlar suda xloru hiss edə bilərlər. Amma heç vaxt suyun xlorlanması yol verilən miqdardan kənara çıxılmır", - A.Cəbrayıllı bildirib.

ASC rəsmisi, həmçinin qeyd etdi ki, suya xlorun normadan artıq vurulması ilə bağlı məsələyə xüsusi nəzarət olunacaq və lazımi şöbələrə tapşırıq veriləcək.

Qeyd edək ki, su vasitəsilə yüksək dozada xloridin qəbulundan, ilk növbədə, insanın tənəffüs orqanları əziyyət çəkir, bronxitə səbəb ola bilir. Mütəxəssislərə görə qaraciyər xərçəngi və böyrək şişlərinin 2%-i içməli suyun həddindən artıq xlorlanması səbəbindən baş verir.

Bəzi mütəxəssislər suyu xlorla təmizləməyi məsləhət görmürlər. Çünki bu kimyəvi maddə heç də bütün zərərli mikroorqanizmləri məhv etmir, onların çoxu sağ qalır, bədənimizi zəhərləməyə davam edir. Bu toksinlər xlorla əlaqəyə girib genetik səviyyədə pozuntulara səbəb olmaq gücündədir. Hətta tez-tez xlorlu su ilə duş qəbul etdiyiniz zaman xlorun böyük dozası dəri vasitəsilə orqanizmə daxil olur. Bu vaxt toksinlərin qana düşməsi 20-30% artır. Bəzi inkişaf etmiş ölkələr xlordan imtina ediblər, suyu ultrabənövşəyi şüalar, ozon vasitəsilə zərərsizləşdirirlər.

Milli.Az

Digər maraqlı xəbərlər Milli.Az-ın Facebook səhifəsində

Система Orphus * Mətndə orfoqrafik səhv aşkar etdinizsə, səhv olan hissəni qeyd edib Ctrl + Enter düymələrini sıxın.

Şərh yaz:

7 Şərh:

  • Anonim
    aysen · 21 Aprel 14:4920

    bu adi paltar xlorudur

    Cavab yaz
  • Anonim
    aysen · 21 Aprel 14:4910

    ?

    Cavab yaz
  • Anonim
    Güllü nənə · 21 Aprel 15:0420

    Mənim məsləhətim budur ki, heç vaxt krantdan birbaşa suyu nə çaya nə də xörəyə istifadə etməyin. Ən yaxşısı suyu balonlara doldurun bir gün qalsın, sonra istifadə edin. lap 3-5 gün də qala bilər heç ziyanı yoxdur.onda tərkibindəki xlor uçur

    Cavab yaz
  • Anonim
    Fərid · 21 Aprel 15:0610

    Guya bizdə ultrasüzgəc quraşdırdılarki daha xlordan istifadə olunmayacaq deyə.Hanı indi o süzgəcin suyu guya avropanın ən böyük təmizləmə qurğusu idi hanı indi cavab versinlər

    Cavab yaz
  • Anonim
    Coco · 21 Aprel 15:3220

    En yaxsisi filter qosdurun su temizleyici

    Cavab yaz
  • Anonim
    N · 21 Aprel 17:5800

    xlör var,xlör var.xlorlu su 50 qâpiyâ.avropada belâdir.avropada elâdir.avropada xlorlu su 50 qâpiy civarindadir?

    Cavab yaz
  • Anonim
    Angel · 21 Aprel 18:4800

    Bizde Sabuncu rayonudu tez tez xlor iyi gelir men Akfofordan istifade edirem

    Cavab yaz

XƏBƏR LENTİ

Copyright © 2015 Milli.Az

Saytdakı materialların istifadəsi zamanı istinad edilməsi vacibdir. Məlumat
internet səhifələrində istifadə edildikdə hiperlink vasitəsi ilə istinad mütləqdir.