Ölkə

"Bu, gələcəkdə müəllimlər üçün əlavə gəlir yeri ola bilər"

20 Aprel 2017 17:21
1 Şərh     Baxış: 1 897

"Dövlət İmtahan Mərkəzinə (DİM) imtahanlardakı yazı işlərini yoxlamaq üçün hər bir fəndən ən azı 5 min marker lazımdır".

Milli.Az Trend-ə istinadən xəbər verir ki, bunu Dövlət İmtahan Mərkəzinin Direktorlar Şurasının sədri Məleykə Abbaszadə deyib.

Onun sözlərinə görə, indiyədək DİM tərəfindən Azərbaycan bölməsi imtahanları üçün 1717 marker treninqə dəvət olunub.

Onlardan 679 nəfəri treninqdən uğurla keçib. Həmin markerlərin 135 nəfəri imtahanlarda yoxlama işlərinin yoxlanmasında iştirak edir: "Əvvəl marker işinə müəllimlər cəlb edilirdi. Sonradan II kurs magistrlər qəbul ediliblər".

M.Abbaszadə deyib ki, rus bölməsi imtahanları üçün markerlərin sayı azdır. Onun sözlərinə görə, rus dili üzrə Bakıda 98 müəllim marker olmaq üçün treninqə cəlb olunub. Onlardan 28-i treninqdən uğurla keçib. Yoxlama işlərinin yoxlanmasında isə 13 marker iştirak edir: "Bakı Slavyan Universitetinə müraciət etmişəm ki, marker treninqlərinə II kurs tələbələri olan magistrlər cəlb edilsin".

M.Abbaszadə deyib ki, markerlərlə iş əsasında müqavilə bağlanır. Onun sözlərinə görə, bu, gələcəkdə müəllimlər üçün əlavə gəlir yeri də ola bilər.

M.Abbaszadə bildirib ki, gələcəkdə markerlərin hazırlanması üçün akademiya, yaxud kurslar yaradıla bilər. Markerlərin hazırlanması isə ödənişli həyata keçiriləcək.

Milli.Az

Digər maraqlı xəbərlər Milli.Az-ın Facebook səhifəsində

Система Orphus * Mətndə orfoqrafik səhv aşkar etdinizsə, səhv olan hissəni qeyd edib Ctrl + Enter düymələrini sıxın.

Şərh yaz:

1 Şərh:

  • Anonim
    Xanim · 20 Aprel 19:3300

    Marker nadir?

    Cavab yaz

XƏBƏR LENTİ

Copyright © 2015 Milli.Az

Saytdakı materialların istifadəsi zamanı istinad edilməsi vacibdir. Məlumat
internet səhifələrində istifadə edildikdə hiperlink vasitəsi ilə istinad mütləqdir.