Ölkə

Azərbaycanın ən yaşlı bəy və gəlinləri - Onların sayı açıqlandı

19 Aprel 2017 18:18
17 Şərh     Baxış: 2 562
VTB-də MİNİMAL FAİZ DƏRƏCƏSİ İLƏ NAĞD KREDİT 10.49%-dən

Azərbaycanda 50 yaşdan sonra nikaha daxil olan vətəndaşların sayı açıqlanıb.

Milli.Az xəbər verir ki, Ədliyyə Nazirliyindən azvision.az-ın sorğusuna cavab olaraq bildirilib ki, 2016-cı il ərzində yaşı 50-ni keçən 1700 kişi, 779 qadın rəsmi nikaha daxil olub.

Ümumilikdə isə bu yaş həddində evlənənlərin sayı ötən il 2479 olub.

Ədliyyə Nazirliyinin Vətəndaşlıq vəziyyəti aktlarının reyestri xidmətinin rəisi Reyhanə Kərimova bildirib ki, 2016-cı ilin 4 ayı ərzində kişilərdə 60 yaşdan yuxarı 128 nikah, 70 yaşdan yuxarı 38 nikah, 80 yaşdan yuxarı 11 nikah qeydə alınıb. 

Məlumata görə, ötən ilin ilk dörd ayında qadınlar arasında 60 yaşdan yuxarı 21, 70 yaşdan yuxarı isə 5 nikah qeydə alınıb, - deyə Ədliyyə Nazirliyinin rəsmisi bildirib.

Qeyd edək ki, 2015-ci ilin statistikasına əsasən, Azərbaycanda nikaha daxil olan ən yaşlı kişinin 81 (Qubadlı rayonu), ən yaşlı qadının isə 68 yaşı (Siyəzən rayonu) olub.

Milli.Az

Digər maraqlı xəbərlər Milli.Az-ın Facebook səhifəsində

Azernews Newspaper

XƏBƏR LENTİ

Copyright © 2024 Milli.Az

Saytdakı materialların istifadəsi zamanı istinad edilməsi vacibdir. Məlumat
internet səhifələrində istifadə edildikdə hiperlink vasitəsi ilə istinad mütləqdir.