Ölkə

Xırdalandakı 5 qadının öldüyü faciənin YENİ TƏFƏRRÜATI

17 Mart 2017 17:02
4 Şərh     Baxış: 15 459

Martın 15-də beş nəfər qadının meyiti aşkarlanan Xırdalan şəhəri, 28-ci məhəllə, bina 6, mənzil 4 ünvanında 2016-cı il aprelin 13-də "Azəriqaz" İstehsalat Birliyinin əməkdaşları tərəfindən mənzildaxili qaz avadanlıqlarına texniki baxış xidməti işləri həyata keçirilib.

Milli.Az xəbər verir ki, bu barədə ölkə.az-a "Azəriqaz" İstehsalat Birliyindən bildirilib.

Qeyd olunub ki, texniki baxış zamanı mənzildə İran istehsalı olan xüsusi sobanın quraşdırılması, vanna otağında qənaətli su qızdırıcısının tüstü borusunun qeyri-metal olması və hamam otağındakı qapının aşağı hissəsində hava dəliklərinin olmaması, həmçinin yataq otağında yivli birləşməli qaz xəttinin keçməsi aşkar olunub: "Yuxarıda qeyd edilən aşkar olunmuş həmin nöqsanlarla əlaqədar İran istehsalı olan xüsusi sobanın və qənaətli su qızdırıcısının qaz təchizatı xüsusi plombla dayandırılıb. Bununla bağlı elə həmin tarixdə, yəni 2016-cı il aprelin 13-də kirayəçi Niyaməddin Məmmədovun iştirakı ilə 0512181 saylı daxili qaz avadanlıqlarına baxış keçirilməsi haqqında akt tərtib edilib. Aktın doğruluğu təsdiq olduqdan sonra bir nüsxəsi kirayəçi Niyaməddin Məmmədova verilərək təbii qaz təchizatının yalnız aşkar edilmiş nöqsanlar aradan qaldırıldıqda bərpa ediləcəyi bildirilib".

Qeyd edək ki, Nazirlər Kabinetinin 12 may 2011-ci il tarixli 80 saylı "Qazdan istifadə qaydaları"nın təsdiqedilməsi haqqında qərarına uyğun olaraq, ötən ilin iyun ayına qədər mənzillərə texniki baxış "Azəriqaz" İstehsalat Birliyi tərəfindən həyata keçirilib.

Nazirlər Kabinetinin 12 may 2011-ci il tarixli 80 saylı "Qazdan istifadə qaydaları"nda dəyişikliklər edilməsi barədə 29 aprel 2016-cı il tarixli 180 saylı qərarına əsasən mənzildaxili qaz kəmərlərinə və avadanlıqlarına texniki baxış keçirilməsi "Azəriqaz" İB-nin səlahiyyətlərinə daxil edilməyib.

Milli.Az

Digər maraqlı xəbərlər Milli.Az-ın Facebook səhifəsində

Система Orphus * Mətndə orfoqrafik səhv aşkar etdinizsə, səhv olan hissəni qeyd edib Ctrl + Enter düymələrini sıxın.

Şərh yaz:

4 Şərh:

  • Anonim
    Murka · 17 Mart 17:4031

    yene de bunların hec biri tam olaraq subut deyil axı.. tam ölüm sebebi nedir onu deyin de.o var bu var.

    Cavab yaz
  • Anonim
    Seva · 17 Mart 18:4130

    Qida zeherlenmesi ola bilmez.olsa mutleq onlar da basqa elametler olardi.ve komek isdeyerdi 5inden biri.bele de qaz sizmis olsa eve girende his edilerdi.coox muammali bir olum.hec mentiqli bir aciqlama da olmayacaq.ele de unudulacaq.

    Cavab yaz
  • Anonim
    Efqan · 17 Mart 19:3230

    Onsuzda qaz istismar idaresi özlerine serf edeni tapajaqlarda. Ondansa qazin terkibini temizleyin .

    Cavab yaz
  • Anonim
    müəllim · 17 Mart 23:4620

    BAkıda istilik sistemi bərbad haldadır. İsitmə sezonu başlayanda problemlər, nasazlıqlar üzə çıxır: orda təmir, burda təmir. Bütün yaşayış binaları mərkəzləşdirilmiş istilik sisteminə birləşdirilməlidir. Biri kombi quraşdırır, digəri qaz sobası, üçüncüsü elektrik cihazı... PARƏKƏNDƏLİYƏ BİRDƏFƏLİK SON QOYULMALIDIR! Hansı əsrdə yaşayırıq? Bakı müasir şəhərdir, onun müasir də istilik sistemi olmalıdır. Vanna otaqlarına isti su verilməlidir. Bu məsələ gündəmə çıxarılmalı, köklü şəkildə həll edilməlidir. Əlaqədar təşkilatların məsuliyyəti artırılmalıdır. Nə qədər adam qazdan boğulmalıdır ki, həyəcan təbili çalınsın, yuxudan ayılaq.

    Cavab yaz

XƏBƏR LENTİ

Copyright © 2015 Milli.Az

Saytdakı materialların istifadəsi zamanı istinad edilməsi vacibdir. Məlumat
internet səhifələrində istifadə edildikdə hiperlink vasitəsi ilə istinad mütləqdir.