Ölkə

Azərbaycan DİN PKK-çı kimi təqdim olunan şəxsin həbsinə aydınlıq gətirdi

1 Dekabr 2016 18:03
0 Şərh     Baxış: 1 826
VTB-də MİNİMAL FAİZ DƏRƏCƏSİ İLƏ NAĞD KREDİT 10.49%-dən

Daxili İşlər Nazirliyi mətbuatda Abdullah Öcalanın təbliğatçısı kimi təqdim edilən Laçın rayon sakini Müqabil Baxışovun həbsinə aydınlıq gətirib.

Milli.Az xəbər verir ki, nazirliyin mətbuat xidmətinin şöbə rəisi Orxan Mansurzadə APA-nın sorğusuna cavab olaraq deyib ki, M. Baxışov ayrı-ayrı vaxtlarda Laçın rayonunun dörd sakininin etibarlarından sui-istifadə etməklə və aldatma yolu əmlakını ələ keçirib. O, həmin şəxslərə ailə üzvlərini işə düzəltmək və digər bu kimi vədlər verməklə 4 min manata yaxın ziyan vurub.
 
O. Mansurzadə qeyd edib ki, həmin vətəndaşlardan daxil olan şikayət ərizələri əsasında Laçın rayon Polis Şöbəsinin istintaq qrupunda fakt üzrə Cinayət Məcəlləsinin müvafiq maddələri ilə cinayət işi başlanıb, məhkəmənin qərarı ilə də M.Baxışov barəsində həbs-qətimkan tədbiri seçilib.
 
Qeyd edək ki, Müqabil Baxışov bundan əvvəl də məhkumluq həyatı yaşayıb. O, 2012-ci il oktyabrında Ağcabədi Rayon Məhkəməsinin qərarı ilə xuliqanlıq maddəsi təqsirli bilinərək 3 il müddətinə azadlıqdan məhrum edilib. Sonra isə barəsində 1 il 6 ay müddətinə şərti sınaq müddəti tətbiq edilib.
 
Onu da əlavə edək ki, M.Baxışov mülki öhdəliklərin icrasından yayındığı üçün də Ağcabədi rayon Polis Şöbəsi tərəfindən axtarışa verilibmiş.  

Milli.Az

Azernews Newspaper

XƏBƏR LENTİ

Copyright © 2024 Milli.Az

Saytdakı materialların istifadəsi zamanı istinad edilməsi vacibdir. Məlumat
internet səhifələrində istifadə edildikdə hiperlink vasitəsi ilə istinad mütləqdir.