Ölkə

I sinfə qəbul üçün müsahibələr başladı - FOTO

20 İyun 2016 14:12
3 Şərh     Baxış: 1 259

Bu gündən etibarən Bakı Şəhəri üzrə Təhsil İdarəsinin tabeliyindəki məktəblərə 6 yaşı cari ilin sentyabrın 16-dan dekabrın 31-dək tamam olacaq uşaqların I sinfə qəbulu məqsədilə müsahibələr başlayıb.

Milli.Az bildirir ki, idarədən Trend-ə verilən məlumata görə, müsahibələr Bakı şəhəri Nəsimi rayonundakı 42 nömrəli tam orta məktəbdə keçirilir. Belə ki, uşaqlarının vaxtından əvvəl məktəbə getməsini arzu edən valideynlər (və ya qanuni nümayəndələr) övladlarının müsahibədə iştirakı üçün iyulun 15-dək mektebeqebul.edu.az saytında qeydiyyatdan keçməlidir. Müsahibədən mektebeqebul.edu.az saytı vasitəsilə qeydiyyatdan keçmiş valideyn müsahibənin tarixi və vaxtı barədə məlumatın qeyd olunduğu buraxılış vərəqəsini çap edərək göstərilən zamanda övladını 42 nömrəli məktəbə gətirməlidir.

Ümumilikdə bu günədək 6 yaşı tamam olmayan 4171 nəfər uşaq üçün mektebeqebul.edu.az saytından qeydiyyatdan keçilib. Artıq 6 yaşı tamam olmayan 2740 nəfər uşaq üçün mektebeqebul.edu.az saytından qeydiyyatdan keçən valideynlərə (və ya qanuni nümayəndələr) şəxsi kabinetə daxil olaraq müsahibədən qeydiyyatdan keçmək və buraxılış vərəqəsini çap etmək barədə "sms" göndərilib, onlardan 1948 nəfər müsahibədə iştirak üçün buraxılış vərəqəsi çap etdirib.

Valideynlər müsahibənin nəticələrinə dair "sms" aldıqdan sonra məktəbə qəbul üçün müvafiq sənədləri təqdim etməklə seçdikləri məktəbdə fəaliyyət göstərən işçi qrupuna müraciət etməlidirlər.

Təhsil nazirinin müvafiq əmrinə əsasən müəyyən edilmiş məktəblərdə fəaliyyət göstərən məktəbəhazırlıq kursunu bitirmiş uşaqların valideynləri isə mektebeqebul.edu.az saytından həmin kursu bitirdiyinə dair sertifikatı çap etməli, eyni zamanda məktəb seçməlidirlər.

Qeyd edək ki, kursu müvəffəqiyyətlə bitirərək sertifikat almış 1373 nəfər xüsusi istedada malik uşaq I sinfə müsahibədənkənar qəbul olunacaq.

Milli.Az

Məqaləyə dair fotomateriallar:

loading...

Şərh yaz:

3 Şərh:

  • Anonim
    deli dayi · 20 İyun 2016 14:5800

    usaqlari allah saxlasin. siz valideyinler .,supurqepulu,temirpulu,testpulu.fondpulu.gedvelpulu.hazirlayin,bilmirem buil teze neler cixagaq.

    Cavab yaz
  • Anonim
    . · 20 İyun 2016 14:5900

    Hami.doganda sentyabra qeder dogacaqki day deyin

    Cavab yaz
  • Anonim
    nuray · 20 İyun 2016 16:5600

    Sebrsuzlikle gozleyirem sentyabri inwallah . En boyuk arzularimnan biridi. Allah butun valideynlere qismet etsin bu xowbextli K hissini amnn

    Cavab yaz

XƏBƏR LENTİ

Copyright © 2015 Milli.Az

Saytdakı materialların istifadəsi zamanı istinad edilməsi vacibdir. Məlumat
internet səhifələrində istifadə edildikdə hiperlink vasitəsi ilə istinad mütləqdir.