Ölkə

Dubaydan ölkəmizə gətirilən mobil telefonlar bahalaşa bilər - SƏBƏB

13 Mart 2026 11:14

Baxış: 1 736

VTB-də minimal faiz dərəcəsi ilə nağd kredit 9.9%-dən

#MOBİL TELEFON #DUBAY

Regionda baş verən hadisələr Dubaydan Azərbaycana gətirilən telefonların qiymətinə təsir edə bilər.

Bu barədə Milli.Az-a telefon satışı ilə məşğul olan sahibkarlar məlumat veriblər.

Bildirilib ki, qiymət artımının əsas səbəbi telefonların istehsal qiyməti deyil, logistika, nəqliyyat, yanacaq və ticarət marşrutlarının bahalaşması ilə bağlıdır.

Sahibkarların sözlərinə görə, son günlər Yaxın Şərqdə gərginliyin artması hava və dəniz daşımalarına ciddi təsir göstərib. Münaqişə səbəbindən bəzi hava marşrutlarının bağlanması, yanacaq qiymətlərinin yüksəlməsi və yükdaşıma xərclərinin artması elektronika məhsullarının, o cümlədən mobil telefonların daşınmasını bahalaşdırıb.

Qeyd olunur ki, Dubay regionun ən böyük ticarət və tranzit mərkəzlərindən biri olduğu üçün Azərbaycana gətirilən telefonların böyük hissəsi məhz bu şəhər üzərindən daşınır. Daşınma xərcləri artdıqda isə bu, birbaşa satış qiymətlərinə təsir edir.

Statistik göstəricilər də son illərdə Azərbaycanda telefonların orta idxal qiymətinin artdığını göstərir. Bu isə bazarın xarici amillərə həssas olduğunu təsdiqləyir.

Sahibkarlar bildirirlər ki, regionda müharibə, sanksiyalar, hava məkanının bağlanması və neft qiymətlərinin yüksəlməsi kimi faktorlar davam edərsə, Dubaydan gətirilən telefonların Azərbaycanda bahalaşması qaçılmaz ola bilər.

Ayxan

Milli.Az