Ölkə

İran malları bahalaşacaq

2 Mart 2026 10:10
Baxış: 2 120
VTB-də minimal faiz dərəcəsi ilə nağd kredit 9.9%-dən
#IRAN #AZƏRBAYCAN

İranda baş verənlər Azərbaycana idxal olunan malların qiymətlərinə təsir göstərə bilər.

Bunu Milli.Az-a açıqlamasında Liberal İqtisadçılar Mərkəzinin sədri, iqtisadçı ekspert Akif Nəsirli deyib. 

O bildirib ki, İran Azərbaycan üçün mühüm ticarət tərəfdaşlarından biridir və bir çox kənd təsərrüfatı məhsulları, tikinti materialları və müxtəlif istehlak malları bu ölkədən idxal olunur.

"Müharibə zamanı sərhədlərin bağlanması və ya daşımaların çətinləşməsi malların təklifini azalda bilər ki, bu da qiymət artımına səbəb olar. Bundan əlavə, nəqliyyat xərcləri arta bilər. Alternativ marşrutlardan istifadə daha baha başa gəldiyi üçün idxalın maya dəyəri yüksələ bilər. Əgər müharibə enerji bazarına da təsir etsə və neftin dünya bazar qiyməti artsa, yanacaq bahalaşar və bu da demək olar ki, bütün məhsulların qiymətinə təsir edər".

Ekspert qeyd edib ki, eyni zamanda regionda qeyri-müəyyənlik valyuta bazarına da təsir göstərə bilər.

"Bu da idxal mallarının qiymətinin artmasına gətirib çıxara bilər. Təsirin nə qədər olacağı isə müharibənin miqyasından və nə qədər davam edəcəyindən asılıdır", - deyə o qeyd edib.

Ayxan
Milli.Az

Milli.Az - Xəbər Portalı
Azernews Newspaper

DİGƏR XƏBƏRLƏR

XƏBƏR LENTİ

Copyright © 2026 Milli.Az

Saytdakı materialların istifadəsi zamanı istinad edilməsi vacibdir. Məlumat
internet səhifələrində istifadə edildikdə hiperlink vasitəsi ilə istinad mütləqdir.