Ölkə

Tikinti materialları bahalaşdı

27 Fevral 2026 11:29
Baxış: 1 801
VTB-də minimal faiz dərəcəsi ilə nağd kredit 9.9%-dən
#TİKİNTİ

2026-cı ilin fevral ayına olan vəziyyətə görə Azərbaycanda tikinti materialları bazarında aktivlik artımı müşahidə olunur. Sektor üzrə istehsal göstəricilərində yüksəliş qeydə alınsa da, bazarda qiymət artımı tendensiyası da davam edir.

Məlumatlara əsasən, 2026-cı ilin yanvar ayında tikinti materialları istehsalının ümumi dəyəri 117.8 milyon manat təşkil edib ki, bu da ötən ilin eyni dövrü ilə müqayisədə 39.3% artım deməkdir. Xüsusilə asfalt, əhəng, beton konstruksiyalar və sement məhsullarının istehsalında artım bazarda tikinti fəaliyyətinin canlandığını göstərir.

Tikinti materiallarının satışı ilə məşğul olan Ramil Həsənli Milli.Az açıqlamasında bildirib ki, bununla yanaşı, fevral ayında tikinti materiallarının qiymətlərində mərhələli bahalaşma müşahidə olunur.

"Son aylarda bazarda satışda olan materialların bir hissəsinin qiyməti artıb və ümumi bahalaşma aylıq orta hesabla 1.4% civarında qiymətləndirilir. Taxta materialları, metal örtüklər və bəzi dam örtüyü məhsullarında qiymət artımı daha nəzərə çarpır. Qiymət artımının əsas səbəbləri idxal məhsullarının bahalaşması, logistika və daşınma xərclərinin yüksəlməsi, həmçinin ölkədə tikinti layihələrinin çoxalması nəticəsində tələbin artması ilə bağlıdır. Azərbaycanın tikinti materialları bazarı hələ də müəyyən dərəcədə idxaldan asılı olaraq qalır və xüsusilə Türkiyədən sement, şüşə və keramika məhsullarının idxalında artım qeydə alınır. Kəskin qiymət sıçrayışı müşahidə olunmasa da, yaz-yay mövsümünə yaxın dövrdə tələbin artması fonunda qiymətlərin tədricən yüksələcəyi gözlənilir", - deyə o qeyd edib.

Ayxan

Milli.Az

Milli.Az - Xəbər Portalı
Azernews Newspaper

DİGƏR XƏBƏRLƏR

XƏBƏR LENTİ

Copyright © 2026 Milli.Az

Saytdakı materialların istifadəsi zamanı istinad edilməsi vacibdir. Məlumat
internet səhifələrində istifadə edildikdə hiperlink vasitəsi ilə istinad mütləqdir.