Ölkə

Sumqayıtda mənzillər bahalaşacaq

27 Yanvar 2026 18:36
Baxış: 2 604
VTB-də minimal faiz dərəcəsi ilə nağd kredit 9.9%-dən
#MƏNZİL #SUMQAYIT

Sumqayıtda beş ünvanda 13 qəzalı binada söküntü işləri aparılacaq. Hazırda 4-cü, 15-ci, 16-cı, 17-ci və 21-ci məhəllələrdə qəzalı binaların mövcudluğu barədə məlumatlar var və layihəyə uyğun olaraq həmin ərazilərdə söküntü işlərinin həyata keçirilməsi planlaşdırılır.

Bəs aparılacaq söküntü işləri Sumqayıtda daşınmaz əmlak və kirayə qiymətlərinə necə təsir edəcək?

Mövzu ilə bağlı əmlak məsələləri üzrə ekspert Vüqar Oruc Milli.Az-a bildirib ki, Sumqayıtda aparılan söküntülər kirayə bazarında aktivləşməyə və daşınmaz əmlak qiymətlərində artıma səbəb olacaq.

O, qeyd edib ki, söküntü nəticəsində həmin binalarda yaşayan sakinlər müvəqqəti olaraq yeni mənzilə köçürülür və kirayə üçün müraciət edirlər.

"Bu isə kirayə bazarında tələbatın artması deməkdir. Kirayə bazarına tələbat artdıqca daşınmaz əmlakın qiymətləri də yüksəlir".

V.Oruc əlavə edib ki, söküntü aparılan ərazilərdə abadlıq işləri, parkların salınması, magistral yolun genişləndirilməsi və digər yenidənqurma işləri həyata keçirilirsə, vətəndaşlara kompensasiya verilir. u proses qısa müddətdə kirayə bazarının canlanmasına, uzun müddətdə isə daşınmaz əmlak bazarında qiymət artımına səbəb ola bilər. Sumqayıt ərazisində yerləşməsindən asılı olaraq, bir kvadratmetr üçün kompensasiya məbləğinin təqribən 2000-2500 manat civarında olması məqsədəuyğun hesab olunur. Kompensasiya alan sakinlər isə daşınmaz əmlak bazarına üz tutur və tələbatı daha da artırır".

Ayxan
Milli.Az

Milli.Az - Xəbər Portalı
Azernews Newspaper

DİGƏR XƏBƏRLƏR

XƏBƏR LENTİ

Copyright © 2026 Milli.Az

Saytdakı materialların istifadəsi zamanı istinad edilməsi vacibdir. Məlumat
internet səhifələrində istifadə edildikdə hiperlink vasitəsi ilə istinad mütləqdir.