Ölkə

Ət alarkən ehtiyatlı olun - Həyatınıza təhlükə ola bilər - AÇIQLAMA

16 Yanvar 2026 14:34

Baxış: 579

VTB-də minimal faiz dərəcəsi ilə nağd kredit 10.49%-dən

#CƏMİYYƏT

"Ət zülalla zəngin və heyvan mənşəli qida olduğu üçün yüksək risk qrupuna aiddir. Buna görə də ət alarkən və istifadə edərkən bir sıra vacib məqamlara diqqət yetirilməlidir".

Milli.Az xəbər verir ki, bu sözləri Medialoq.az-a açıqlamasında Qida Təhlükəsizliyi Hərəkatının rəhbəri, sağlam qidalanma mütəxəssisi Məhsəti Hüseynova deyib.

O bildirib ki, ət yalnız etibarlı və mənşəyi məlum olan satış yerlərindən alınmalıdır:
"Əgər ət alarkən müvafiq arayışın təqdim olunması ilə bağlı çətinlik yaranırsa, bu, məhsulun keyfiyyəti ilə bağlı suallar doğura bilər. Eyni zamanda ətin kəsilmə və saxlanma şəraitinə xüsusi diqqət yetirilməlidir. Ət 2-4 dərəcə temperaturda saxlanmalıdır. Otaq temperaturunda saxlanılan ət tez bir zamanda xarab olur və tərkibində dəyişikliklər baş verir. Keyfiyyətli ət bunu görünüşü, rəngi və qoxusu ilə də büruzə verir. Ətdən insan orqanizminə müxtəlif virus və bakteriyalar keçə bilər".

Mütəxəssis qeyd edib ki, bu səbəbdən ətin yalnız mənşəyinə deyil, düzgün bişirilməsinə də diqqət yetirilməlidir:
"Əti doğramaq üçün istifadə olunan bıçaq və lövhə digər qidalardan ayrı olmalıdır. Ətin bişirilməsi zamanı qaynama temperaturu ən azı 70 dərəcədən yuxarı olmalıdır ki, zərərli mikroorqanizmlər məhv edilsin. Bir sözlə, ət alarkən də, bişirərkən də gigiyena və təhlükəsizlik qaydalarına ciddi şəkildə əməl olunmalıdır".

Milli.Az