Ölkə

ELİTAR klub və Hazel firması iş adamları və medianı bir araya gətirdi

13 Noyabr 2025 11:03

Baxış: 696

VTB-də minimal faiz dərəcəsi ilə nağd kredit 10.49%-dən

#CƏMİYYƏT

12 noyabr tarixində saat 19:00-da Hazel restoranında təşkil edilən görüşdə iş dünyasının müxtəlif sahələrini təmsil edən nüfuzlu şəxslər, media nümayəndələri və yaradıcı sahənin tanınmış simaları bir araya gəlib.

Tədbir "Hazel" şirkətinin və ELİTAR klubnun birgə təşkilatçılığı ilə baş tutub.

Görüşün açılışı "Hazel" şirkətinin rəhbəri Sakit Səmədov və ELİTAR klubnun həmtəsisçisi Elməddin Məmmədovun çıxışları ilə başlayıb. Daha sonra iştirakçılar özlərini təqdim edərək fəaliyyət sahələri, təcrübələri və potensial əməkdaşlıq istiqamətləri barədə məlumat veriblər.

Tədbirdə təhsil, innovasiya, texnologiya, turizm, logistika, kosmetologiya və digər iqtisadi sahələri təmsil edən iş adamları ilə yanaşı, yazarlar, televiziya və media nümayəndələri də iştirak edib. Görüş həm tanışlıq, həm də yeni iş birliklərinin müzakirəsi üçün geniş imkanlar yaradıb.

Tədbir zamanı Türkiyədə baş verən hərbi təyyarə qəzasında şəhid olan qəhrəmanlar anılıb, həmçinin Konstitusiya Günü və Zəfər Günü ilə bağlı fikirlər səsləndirilib.

Hazırlanan bu görüş iş adamları arasında əməkdaşlıq əlaqələrinin genişləndirilməsi və müxtəlif sahələr üzrə təcrübə mübadiləsinin təşviqi baxımından mühüm platforma kimi qiymətləndirilib.

Milli.Az