Ölkə

Yumurta bahalaşıb, yoxsa ucuzlaşıb? - Fakt və ekspert rəyi

22 Avqust 2025 14:10
Baxış: 1 112
VTB-də minimal faiz dərəcəsi ilə nağd kredit 9.9%-dən
#İQTİSADİYYAT #YUMURTA

Azərbaycanda yumurtanın qiyməti qalxıb.

Milli.Az xəbər verir ki, iri market şəbəkələrində sarı broyler yumurtasının 15 ədədi 2 manat 40 qəpiyə təklif olunur. Sarı rəngli yumurtanın bir ədədi 16 qəpiyə satılır. Bir həftə bundan öncə isə sarı rəngli 15 ədəd yumurta kasetləri 1 manat 90 qəpiyə satılırdı ki, onun da bir ədədinin qiyməti təxminən 13 qəpiyə başa gəlirdi.

Ağ rəngli 15 ədədlik yumurta alıcılara 2 manat 25 qəpiyə təklif olunur. Onun da bir ədədinin qiyməti 15 qəpikdir.

"Azərbaycan Quş əti, Yumurta İstehsalçıları və İxracatçıları Assosiasiyası" İctimai Birliyinin sədri Mürvət Həsənli isə Qaynarinfo-ya açıqlamasında yumurtanın qiymətinin stabil olduğunu bildirib:

"Hazırda yumurtanın ölkədəki qiyməti stabildir. Ötən ilin müvafiq dövrü ilə müqayisədə hətta deyərdim ki, ucuzdur. Yay aylarında istehsal bir az azalır. İkincisi, yay aylarında kənd toyuqlarının kütləvi yumurtamasından yumurta bolluğu yaranır. Bu səbəbdən qiymətlər düşür".

Sədrin sözlərinə görə, yumurtanın ən ucuz qiyməti elə Azərbaycandadır:

"Hazırda yumurtanın dünyada qiymətinə nəzər salsaq, ən ucuz qiymət regionda elə Azərbaycandadır. Hindistan, Pakistan və bir neçə ölkədən sonra ən ucuzu bizdədir. Qonşu Gürcüstanda yumurta 20, Türkiyədə 24, Amerikada 1 manat 10 qəpikdir. Biz Amerikaya, yaxın Şərq ölkələrinə də yumurta ixrac edirik".

Milli.Az

Milli.Az - Xəbər Portalı
Azernews Newspaper

DİGƏR XƏBƏRLƏR

XƏBƏR LENTİ

Copyright © 2026 Milli.Az

Saytdakı materialların istifadəsi zamanı istinad edilməsi vacibdir. Məlumat
internet səhifələrində istifadə edildikdə hiperlink vasitəsi ilə istinad mütləqdir.