Ölkə

“Bolt”da artıq pul tutulur - DİQQƏTLİ OLUN

21 Aprel 2025 16:27
Baxış: 1 914
VTB-də minimal faiz dərəcəsi ilə nağd kredit 9.9%-dən
#CƏMİYYƏT #TAKSİ

Son zamanlar bəzi "Bolt" sürücüləri sərnişinlərə şirkətin təyin etdiyi qiymətlərdən fərqli məbləğlər deyirlər. Bu yolla sərnişindən normadan artıq pul alırlar. Əksəriyyət taksi sürücüsü və şirkət arasındakı münasibətlərin düzgün qurulmadığından, buna görə əziyyət çəkdiklərindən şikayətlənir.

Belə problemlər niyə yaranır və çıxış yolu varmı?

Axar.az xəbər verir ki, nəqliyyat eksperti Elməddin Muradlı Globalinfo.az-a açıqlamasında vətəndaşın sistemdə göstərilən qiymətlə hərəkət etməyi düzgün hesab etdiyini bildirib:

"Hazırda mövcud qiymətlər taksi sürücülərini qane etmir. Onlar qiymətlərin aşağı olduğunu düşünürlər. Əvvəl 10-12 min manatlıq "Toyota Prius"larla xidmət göstərirdilər deyə sərf edirdi. Amma indi vəziyyət fərqlidir. Sərnişinlər də hazırkı qiymətlərə etiraz edir. Tərəflər arasında ziddiyyət var. Səsi çıxmayan yeganə struktur isə taksi şirkətləridir. Görünür, mövcud durum onlara uyğundur"

Ekspertin sözlərinə görə, aidiyyəti qurumlar hərəkətə keçməlidir:

"Standart qiymət paketi hazırlanmalıdır. Kilometrə görə hesablama olmalıdır ki, nə şirkət bazar yaratsın, nə sürücü ziyana düşsün, nə də sərnişin narazı qalsın. Hazırda tapşırıq verilib ki, qiymət 2,50 manatdan aşağı olmasın. Yuxarı hədd isə müəyyənləşdirilməyib. Problem bu səbəbdən yaranır. Fikrimcə, mütləq qiymətlərin yuxarı həddi də bəlli olmalıdır".

Milli.Az

Milli.Az - Xəbər Portalı
Azernews Newspaper

DİGƏR XƏBƏRLƏR

XƏBƏR LENTİ

Copyright © 2026 Milli.Az

Saytdakı materialların istifadəsi zamanı istinad edilməsi vacibdir. Məlumat
internet səhifələrində istifadə edildikdə hiperlink vasitəsi ilə istinad mütləqdir.