Ölkə

Xızının prokuroru qəzaya düşdü - YENİLƏNİB

17 Mart 2025 14:58

Baxış: 2 173

VTB-də minimal faiz dərəcəsi ilə nağd kredit 10.49%-dən

#QƏZA #YOL-NƏQLİYYAT HADİSƏSİ

14:58

Xızı rayon prokurorunun olduğu avtomobil qəzaya uğrayıb.

Milli.Az xəbər verir ki, bu barədə Baş Prokurorluğun Mətbuat xidməti məlumat yayıb.

Bildirilib ki, bu gün saat 09 radələrində Xızı rayonu ərazisində "Niva" və "Toyota Camry" markalı avtomobillərin toqquşması nəticəsində yol-nəqliyyat hadisəsi baş verib.

Hadisə nəticəsində hər iki avtomobilin sürücüsü, o cümlədən "Toyota Camry" markalı avtomobilin içərisində sərnişin qismində olmuş Xızı rayon prokuroru Xəyalə Aslanova müxtəlif dərəcəli bədən xəsarətləri alıb.

Zərərçəkmiş şəxslərin vəziyyəti qənaətbəxşdir və hazırda xəstəxanada müalicələri davam etdirilir.

Faktla bağlı Siyəzən Rayon Prokurorluğunda araşdırma aparılır.

***

Hadisə ilə bağlı TƏBİB-dən qafqazinfo.az-ın sorğusuna cavab olaraq bildirilib ki, xəsarət alanların hər birinin hazırda ətraflı diaqnostik müayinələri aparılır:

"Xızı rayonu ərazisində baş verən yol-nəqliyyat hadisəsi səbəbilə bu gün saat 10:30 radələrində Sumqayıt Tibb Mərkəzinin nəzdində olan Təcili Tibbi Yardım Xəstəxanasına müxtəlif bədən xəsarətləri ilə hospitalizasiya olunan şəxslərə ilkin tibbi yardımlar göstərilib.

Onlardan 2 nəfər daha ixtisaslı tibbi xidmət almaq üçün Bakıdakı tibb müəssisəsinə təxliyə olunub".

12:13

Xızı rayonunda yol qəzası baş verib.

Milli.Az xəbər ki, "Toyota" markalı avtomolbil "Niva" markalı avtomobillə toqquşub.

Yaralananların olduğu bildirilir.

Qəzada yaralananlardan birinin Xızı rayon prokuroru Xəyala Aslanova olduğu bildirilir. (APA)

Milli.Az