Yevlaxda KÜTLƏVİ DAVA: 1 ölü, 1 yaralı var - YENİLƏNİB

11:10

Martın 13-də saat 19 radələrində Yevlax rayonu ərazisində 1 nəfərin ölməsi, 1 nəfərin isə xəsarət alması barədə rayon prokurorluğuna məlumat daxil olub.

Rayon Prokurorluğundan Milli.Az-a verilən xəbərə görə, araşdırma zamanı 20 yaşlı Məhəmməd Mustafazadə, 18 yaşlı V.Əliyev (şərti), 16 yaşlı C.Ağayevin (şərti) şəxsi münasibətlər zəminində aralarında yaranmış mübahisə zamanı bıçaqla xəsarətlər yetirərək 17 yaşlı D.Qasımovu (şərti) qəsdən öldürmələrinə, 18 yaşlı A.Baxışovu (şərti) isə xəsarətlər yetirərək öldürməyə cəhd etmələrinə əsaslı şübhələr müəyyən edilib.

A.Baxışov xəstəxanaya yerləşdirilib, hazırda müalicəsi davam etdirilir.

Faktla bağlı Yevlax rayon prokurorluğunda Cinayət Məcəlləsinin 120.1 (qəsdən adam öldürmə) və 29, 120.2.7-ci (iki şəxsi qəsdən öldürməyə cəhd) maddələrilə cinayət işi başlanıb, hər üç şəxs iş üzrə şübhəli şəxs qismində tutulub. 

İbtidai istintaq davam edir.

22:11
2025.03.13

Yevlaxda baş verən ölüm hadisəsi ilə bağlı daha bir nəfər saxlanılıb.

APA-nın yerli bürosu xəbər verir ki, Yevlax rayon polis idarəsinin əməkdaşlarının həyata keçirdiyi əməliyyat axtarış tədbirləri nəticəsində
2005-ci il təvəllüd Mustafazadə Məhəmməd saxlanılaraq istintaqa təhvil verilib.

---------
19:45

Yevlaxdakı qətl hadisəsini törətməkdə şübhəli bilinənlər saxlanılıb.

APA-nın əldə etdiyi məlumata görə cinayət əməlini törətməkdə şübhəli bilinən 2009-cü il təvəllüdü Mustafalı Həsən və 2007-ci təvəllüdlü Quliyev Rəhim polis əməkdaşları tərəfindən saxlanılaraq istintaqa təhvil verilib.

------------
18:55

Yevlaxda qətl hadisəsi baş verib.

Milli.Az APA-ya istinadən xəbər verir ki, hadisə Yevlax şəhəri ərazisində qeydə alınıb.

Tərəflər arasında yaranmış mübahisə davaya səbəb olub. Nəticədə 2008-ci il təvəllüdlü Ayxan Quliyev bıçaqlanaraq öldürülüb. 2007-ci il təvəllüdlü Əli Zülfüqarlı isə xəsarətlər alıb. Xəsarət alan şəxs Yevlax mərkəzi xəstəxanasına çatdırılıb.

Fakt araşdırılır.

Milli.Az