Ölkə

Bakıda məktəbdə şagirdlər arasında bıçaqlanma oldu - Təfərrüat - VİDEO

4 Dekabr 2024 23:46

Baxış: 3 126

VTB-də minimal faiz dərəcəsi ilə nağd kredit 9.9%-dən

#HADİSƏ #KRİMİNAL #VİDEO #ŞAGİRD #BIÇAQLANMA

23:46

Xəbər verdiyimiz kimi, paytaxt məktəbliləri arasında dava oldu. Şagirdlərdən biri digərinə xəsarət yetirdi. İddiaya görə hadisəyə 10-cu sinif şagirdlərindən birnin digərinə söyüş söyməsi səbəb olub.

Bakı Şəhəri üzrə Təhsil İdarəsinin sector müdiri Bəşarət Məmmədov qeyd edib ki, xəsarət alan şagirdə müvafiq tibbi yardım göstərilib, dərhal təcili-tibbi yardıma və şagirdlərin valideynlərinə məlumat verilib.

TƏBİB-dən bildirilib ki, çağırış ünvanına təcili tibbi yardım briqadası cəlb olunub. 15 yaşlı oğlana ilkin tibbi xidmət göstərilib və hər iki əlin kəsilmiş yarası diaqnozu ilə Elmi-Tədqiqat Travmatologiya və Ortopediya İnstitutuna təxliyə olunub.

Daxili İşlər Nazirliyinin mətbuat xidmətindən bildirilib ki, polis əməkdaşları tərəfindən əməli törətməkdə şübhəli bilinən yeniyetmə saxlanılıb. Hazırda Səbail Rayon Polis İdarəsində araşdırma aparılır.

Milli.Az xəzər tv-nin hazırladığı videomaterialı təqdim edir:

--------
15:40

Dekabrın 4-də Bakı şəhəri 329 nömrəli tam orta məktəbdə tənəffüs vaxtı (saat 12:10 radələrində) X sinif şagirdi digər şagirdə (müvafiq səbəbdən şagirdlərin adı qeyd olunmur) qəfildən kəsici alətlə xəsarət yetirib.

Milli.Az xəbər verir ki, bu barədə BŞTİ-dən bildirilib.

Xəsarət alan şagirdə müvafiq tibbi yardım göstərilib, dərhal təcili-tibbi yardıma və şagirdlərin valideynlərinə məlumat verilib.

Məsələ aidiyyəti qurumlar tərəfindən nəzarətə götürülüb, müvafiq araşdırmalara başlanılıb. Həmçinin hüquq-mühafizə orqanları tərəfindən müvafiq araşdırma aparılır.

İctimaiyyətdən araşdırma aparıldığını nəzərə alaraq, məsələyə daha həssas yanaşması, hadisə barədə rəsmi qurumların açıqlamalarına istinad edilməsi xahiş olunur.

Milli.Az