Ölkə

8 noyabr - Zafər günü münasibətilə Şuşa şəhərində yürüş keçirilib - FOTO

8 Noyabr 2024 11:06

Baxış: 939

VTB-də minimal faiz dərəcəsi ilə nağd kredit 9.9%-dən

#ŞUŞA #ZƏFƏR GÜNÜ #8 NOYABR

8 noyabr - Zafər günü münasibətilə Şuşa şəhərində yürüşü keçirilib.

Milli.Az xəbər verir ki, ərazidə xidmət edən N saylı hərbi hissənin şəxsi heyətinin iştirak etdiyi parad hərbi orkestrin sədaları ilə müşayiət olunub.

Şəhərin mərkəzindən başlayan bayram yürüşünə yerli ictimaiyyət nümayəndələri, hüquq mühafizə orqanlarının əməkdaşları, o cümlədən gənclər və tələbələr də iştirak edir. Zəfər yürüşü Şuşa şəhərinin zəfər meydanında başa çatıb.

Xatırladaq ki, 2020-ci il sentyabrın 27-də Ermənistan silahlı qüvvələrinin cəbhəboyu genişmiqyaslı təxribat törətməsinə cavab olaraq Azərbaycan Ordusu sonradan "Dəmir yumruq" adlandırılan əks-hücum əməliyyatına başladı. 44 gün davam edən Vətən müharibəsi təxminən otuzillik işğala son qoyulması və ərazi bütövlüyümüzün bərpası ilə nəticələndi.

Prezident İlham Əliyevin 2020-ci il dekabrın 3-də imzaladığı "Azərbaycan Respublikasında Zəfər Gününün təsis edilməsi haqqında" sərəncama əsasən 8 Noyabr Azərbaycanda Zəfər Günüdür.

Milli.Az