Ölkə

"TEKNOFEST Azərbaycan": Qaliblər mükafatlandırıldı - FOTOlar

29 May 2022 16:50

Baxış: 2 274

VTB-də minimal faiz dərəcəsi ilə nağd kredit 9.9%-dən

#TEXNOFEST

Bakıda "TEKNOFEST Azərbaycan" Aerokosmik və Texnologiya Festivalının iştirakçılarının və komandalarının mükafatlandırma mərasimi keçirilib.

Milli.Az Trend-ə istinadən bildirir ki, bu müsabiqələrdə məktəblilər, tələbələr, startap hazırlayanlar və sahibkarlar iştirak ediblər.

Mükafatlar Smart Qarabag Hackaton və Baku Open Cyber Cup yarışlarında, Kiberidman üzrə Avropa Çempionatı-2022, Agro Tech (kənd təsərrüfatı texnologiyaları), pilotsuz uçuş aparatları və "yaşıl" texnologiyalar, Baku Skills, Planer, sosial yönümlü texnologiyalar sahələrində təqdim edilib.

"TEKNOFEST Azərbaycan" Aerokosmik və Texnologiya Festivalının bütün iştirakçıları, eləcə də mentorlar pul mükafatları və qiymətli hədiyyələrlə mükafatlandırılıblar.

Qeyd edək ki, "Teknofest" mayın 26-29-da Azərbaycanda keçirilir.

Bakıda "Teknofest" festivalı Türkiyənin Sənaye və Texnologiyalar Nazirliyi, Türkiye Teknoloji Takımı Vakfının (T3 Vakfı) təşkilatçılığı, Azərbaycan Rəqəmsal İnkişaf və Nəqliyyat Nazirliyinin tərəfdaşlığı ilə keçirilir. Eyni zamanda Bakıda "Teknofest" in "prodakşn" ofisi fəaliyyət göstərir. Ofisin tam heyəti azərbaycanlı mütəxəssislərdən ibarətdir.

"Teknofest" tədbiri Türkiyə Respublikası Sənaye və Texnologiya Nazirliyinin və Selçuk Bayraktarın rəhbərlik etdiyi Türkiye Teknoloji Takımı Vakfının (T3 Vakfı) birgə təşkilatçılığı və qardaş ölkənin 60-dan çox dövlət qurumu, ali məktəbi və özəl şirkətinin tərəfdaşlığı ilə 2018-ci ildən etibarən hər il keçirilir.

Məqsəd Türkiyədə aviasiya, kosmik sənaye, rəqəmsal iqtisadiyyat kimi sahələrin gənclər arasında təbliği, bu sahələrdə sahibkarlığın təşviq edilməsi, festival çərçivəsində təşkil olunan yarışlar vasitəsilə gənc mühəndislərin bilik və bacarıqlarının üzə çıxarılması, eləcə də milli texnologiyaların geniş ictimaiyyətə təqdim olunmasıdır.

Trend İnformasiya Agentliyi, Day.Az, Milli.Az, Azernews, Eastweststream, Today.az və Turkic.World "Teknofest 2022" aerokosmik və texnologiya festivalının rəsmi media tərəfdaşlarıdır.

Milli.Az