Ölkə

Bakının bu ərazilərində tramvaylar işləyəcək - AÇIQLAMA

11 May 2022 13:36
7 Şərh     Baxış: 16 876

Azərbaycanda nəqliyyat sahəsində yeniliklər davam edir. Bunun bariz nümunəsi olaraq Bakı Nəqliyyat Agentliyində (BNA) aparılan struktur dəyişikliyini də göstərmək olar.

Milli.Az Sfera.az-a istinadən bildirir ki, yeniliklər fonunda Bakıda tramvay və trolleybusların bərpa olunub-olunmayacağı maraqla gözlənilir. Paytaxtda bu nəqliyyat növlərinin yenidən fəaliyyətini bərpası isə zaman-zaman geniş müzakirəyə çıxarılıb.

Bakıda nəqliyyat konsepsiyasına dəyişiklik fonunda bu yeniliyin nəzərə alınıb-alınmayacağına ekspert Eldəniz Cəfərov münasibət bildirib. Nəqliyyat eksperti "ARB24"də yayımlanan "İş vaxtı" verilişində deyib ki, islahatlar olacaq: "Fikrimcə, Bakıda nəqliyyatın şaxələnməsi olacaq. Ona görə tramvay və trolleybus xətləri aktuallaşa bilər. Trolleybusların yenidən nəqliyyata qayıtması inandırıcı görünməsə də, tramvayların çəkilməsi mümkündür.

Hesab edirəm ki, Bakı ətrafı qəsəbələrdə tramvay xətlərinin olması olduqca müsbət haldır. Bunu şəhərinin mərkəzində təşkil etmək çətin olsa da, ətraf ərazilərdə tramvayların işə düşməsi real görünür".

Qeyd edək ki, "Azərbaycan Dəmir Yolları" QSC-nin sədri Cavid Qurbanov da məsələnin gündəmdə olduğunu mətbuata açıqlaması zamanı bildirmişdi. O, açıqlamasında çəkiləcək tramvay xətlərinin sxeminin də müzakirə olunduğunu qeyd etmişdi:

"Vaxtilə Bakıda mövcud olmuş tramvay xətlərinin sökülməsi ilə ölkəyə ziyan vurulub. İndi bu xətləri yenidən yaratmaq çətindir. Bu səbəbdən xarici şirkətlərə müraciət etmişik. Biznes-plan hazırlanır.

Tramvay xətləri Bakının Əhmədli və Biləcəri, Abşeron rayonunun Pirşağı, Sumqayıt şəhərinin Hacı Zeynalabdin Tağıyev kimi qəsəbələrini əhatə edəcək".

Milli.Az

40 000 AZN-dək krediti ONLAYN sifariş et!

Şərh yaz:

7 Şərh:

  • Anonim
    advokat · 11 May 13:4460

    Bakıda tramvay və troleybus xəttləri var idi. Niyə məhv etdiniz onları və indi niyə yollar axtarırsınız bərpa etmək üçün?

    Cavab yaz
    • Anonim
      Dexlisiz · 12 May 16:0610

      Milletin pulunu millete vermemekcun her wey sokup tikirler

      Cavab yaz
  • Anonim
    Monti · 11 May 21:4321

    Şəhər daxili probkalardan debermek olmur hele bir tramvay çatmırdı.budceden pulu yemek üçün yollar axtarın.kim minecek ona .i koroglu -zire xətti çəkmək olar.

    Cavab yaz
  • Anonim
    Monti · 11 May 21:4710

    Hər şey var idi bir saqqal darağı catmirsen probkalari fikirləş necə edim ki xalqa ziyan dəyməsin şəhərə girende baxın gedir üstəlik benzin yandırırsan .

    Cavab yaz
  • Anonim
    Nur Damla · 11 May 23:2850

    Biz indiyə kimi heyfsilənirik ki,Bakıdan Sabunçi-Suraxanı-Mərdəkan vəs.gedən elektrik qatarları var idi.Camaat istifadə edirdi rahatlıqla.Bu qədər yollarda maşın sıxlığı yox idi. Heyif o vaxtlara.Xeyir-bərəkət də onda idi.

    Cavab yaz
    • Anonim
      B.Qarabağlı · 12 May 10:3900

      Elektrik qatarları, yolları da var! Onların manevri üç milyonluq və müasir əhalinin axın sürətini təmin etmir. Balakən, Qazax-Gürcüstan, Astara-İran və digər bir neçə yüz kilometrlik İKİTƏRƏFLİ yol hərəkətlərini sazlamaq olar?

      Cavab yaz
  • Anonim
    B.Qarabağlı · 12 May 10:3110

    Deyəsən axı, Qarabağ artıq tam unudulur, qəzalı və çatışmayan məktəblər də eləcə? İri pul çıxarı üçün layihələr düşünülür??? Tramvay və trolleybus, eləcə də dəmir yolları axın sürətini hədsiz yubatdıqları, yükləmə-boşaltma çevikliyini təmin etmədiklərinə görə ləğv ediliblər! Bakı-Sumqayıt qatarının yüklənməsinə nə qədər vaxt gərək? Ən iri Hyunday avtobusları 5-10 dəq dolur və 20 dəq də çatır? Heç bir dolaşma da gözlənmir! Tramvay, trolleybus alınmalı, servisi mənimsəmnilməli və yeni xidmət parkları yaradılmalıdır?

    Cavab yaz

XƏBƏR LENTİ

Copyright © 2019 Milli.Az

Saytdakı materialların istifadəsi zamanı istinad edilməsi vacibdir. Məlumat
internet səhifələrində istifadə edildikdə hiperlink vasitəsi ilə istinad mütləqdir.

Global site tag (gtag.js) - Google Analytics