Banklar

Azərbaycan Beynəlxalq Bankının 100 müştərisi hədiyyə qazandı

6 Fevral 2019 17:21
Baxış: 555

Azərbaycan Beynəlxalq Bankının Yeni il ərəfəsində elan etdiyi növbəti stimullaşdırıcı lotereya kampaniyasının qalibləri məlum olub. Lotereya 1 tirajdan ibarət olmaqla 9 mərhələ üzrə keçirilib. Qaliblər xüsusi proqram təminatı vasitəsilə təsadüfi seçim əsasında müəyyənləşiblər. Ümumilikdə 100 iştirakçı qalib olub. Mərhələlər üzrə 60 iştirakçı 100 manat, 15 iştirakçı 200 manat, 10 iştirakçı 300 manat, 5 iştirakçı 500 manat, 3 iştirakçı 1000 manat, 2 iştirakçı "Samsung Galaxy S9+" telefonu, 2 iştirakçı "Iphone X" telefonu, 2 iştirakçı "Macbook 12 M3 256" notbuku əldə edib.

BİRİNCİ YERİN QALİBİ isə BALİ ADASINA 2 nəfərlik (5* oteldə 1 həftə) SƏYAHƏT PAKETİ qazanıb. Lotereyanın nəticələri ilə buradan tanış olmaq olar. Nəticələr "Xalq qəzeti"ndə də dərc ediləcək.

Ölkəmizdə nağdsız ödəniş ənənələrinin genişləndirilməsinə dəstək və Azərbaycan Beynəlxalq Bankının kredit məhsullarına marağın artırılması məqsədilə dekabrın 20-dən bir ay müddətinə keçirilən lotereya kampaniyasına qoşulmaq üçün müştərilərə iki imkan yaradılmışdı. Belə ki, kampaniya müddətində Azərbaycan Beynəlxalq Bankının plastik kartları ilə istənilən ticarət-xidmət müəssisələrində POS-terminallarla, həmçinin elektron ticarət vasitəsilə ödəniş etmiş müştərilər hər 50 manatlıq ödənişə görə (və ya onun ekvivalenti) 1 uduş şansı qazanırdı. 50 manatdan daha az olan əməliyyat məbləğləri üst-üstə toplanırdı. Kampaniya müddətində Azərbaycan Beynəlxalq Bankından nağd pul krediti alan müştərilər də hər 500 manatlıq kredit məbləğinə görə 1 uduş şansı qazanırdılar. Eyni bir iştirakçı kampaniyada iştirak imkanlarının hər ikisindən istifadə edərək uduş şanslarının sayını istənilən qədər artıra bilərdi. Bank bu cür stimullaşdırıcı kampaniyaları gələcəkdə də davam etdirəcək.

Müasir dövlət bankı olan Azərbaycan Beynəlxalq Bankının məhsul və xidmətləri barədə məlumatları bankın 36 filial və 40 şöbəsindən, www.ibar.az internet səhifəsindən, 937 nömrəli Məlumat Mərkəzindən, həmçinin rəsmi Facebook səhifəsindən əldə etmək olar.

loading...

XƏBƏR LENTİ

Copyright © 2015 Milli.Az

Saytdakı materialların istifadəsi zamanı istinad edilməsi vacibdir. Məlumat
internet səhifələrində istifadə edildikdə hiperlink vasitəsi ilə istinad mütləqdir.