Avto

"Aston Martin" də çökür

29 Oktyabr 2025 16:51
Baxış: 1 438
VTB-də minimal faiz dərəcəsi ilə nağd kredit 9.9%-dən
#DÜNYADA #MARAQLI #ASTON MARTİN LAGONDA LTD. #AVTO #AVTOMOBİL

Böyük Britaniyanın lüks avtomobil istehsalçısı Aston Martin 2025-ci ilin üçüncü rübündə ciddi maliyyə itkiləri ilə üzləşib.

Milli.Az xəbər verir ki, bu barədə "Reuters" məlumat yayıb.

Şirkətin vergiöncəsi zərəri 106,9 milyon funt sterlinq, yəni təxminən 144 milyon dollar təşkil edib.

Mütəxəssislər əvvəlcədən zərərin 99 milyon funt olacağını proqnozlaşdırırdı. Lakin nəticə daha ağır olub. İtkilərin əsas səbəbləri kimi ABŞ-ın idxal rüsumları və Çində satışların zəifləməsi göstərilir. Şirkət yaranmış vəziyyətdə xərcləri azaltmaq qərarına gəlib və yeni modellərin hazırlanmasına ayrılan büdcəni 300 milyon funt ixtisar edib.

Aston Martin üçüncü rübdə 1430 avtomobil satıb ki, bu da ötən ilin eyni dövrü ilə müqayisədə 13 faiz azdır. Ən kəskin azalma Böyük Britaniya bazarında müşahidə olunub, burada satışlar təxminən üçdəbir geriləyib.

İlin əvvəlindən bəri şirkətin səhm dəyəri 40 faiz aşağı düşüb.

Qeyd edək ki, bir neçə gün əvvəl də Almaniyanın lüks avtomobil istehsalçısı Porsche AG 2025-ci ilin 3-cü rübündə təxminən 966 milyon avro əməliyyat zərəri açıqlayıb.

İsmayıl
Milli.Az

Milli.Az - Xəbər Portalı
Azernews Newspaper

DİGƏR XƏBƏRLƏR

XƏBƏR LENTİ

Copyright © 2026 Milli.Az

Saytdakı materialların istifadəsi zamanı istinad edilməsi vacibdir. Məlumat
internet səhifələrində istifadə edildikdə hiperlink vasitəsi ilə istinad mütləqdir.