Avto

Hibrid avtomobil almaq istəyənlərin nəzərinə - Güzəşt olacaq...

3 Avqust 2022 16:28
1 Şərh     Baxış: 1 647

Azərbaycanda hibrid və elektromobil kreditləri üzrə ilkin ödəniş aşağı faizlə tətbiq ediləcək. Belə ki, elektrik mühərrikli avtomobil kreditlə alınan zaman ilkin ödəniş 10%, hibrid mühərrikli avtomobil alınan zaman isə 20% olacaq.

Milli.Az APA-ya istinadən bildirir ki, yenilik Azərbaycan Mərkəzi Bankının sədri Taleh Kazımovun təsdiq etdiyi "Kredit riskləri, o cümlədən iri kredit riskləri ilə bağlı prudensial normativ və tələblərə dair Qayda"da öz əksini tapıb. Qeyd edək ki, sözügedən yenilik istehsal tarixi 3 ilə qədər olan elektromobil və 1 ilə qədər hibrid avtomobillərə şamil edilir.

Elektromobilin istehsal tarixi 3 ildən artıq olduqda, hibrid avtomobillərdə isə 3 ilə qədər olduqda ilkin ödəniş 40% təyin edilir. İstehsal tarixi 3 ildən çox olduqda hibrid avtomobillərdə ilkin ödəniş kreditin 50%-i həcmində nəzərdə tutulub.

Qeyd edək ki, bu qaydaya əsasən ənənəvi yanacaqla çalışan yeni avtomobillər üzrə kreditin ilkin ödənişi 40% saxlanılıb.

Milli.Az
 

13,99%-dən 40 000 AZN-dək zaminsiz, komissiyasız KREDİT

Şərh yaz:

1 Şərh:

  • Anonim
    Elshan · 3 Avqust 16:5900

    Baxir kredit faizleri neche olacaq?! Ve ya bundan "ruhlanan" salonlar qiymetleri qaldiracaqlarsa ehali yene "dede-baba" mashinlarini almaq arzusunda qalacaq...

    Cavab yaz

XƏBƏR LENTİ

Copyright © 2019 Milli.Az

Saytdakı materialların istifadəsi zamanı istinad edilməsi vacibdir. Məlumat
internet səhifələrində istifadə edildikdə hiperlink vasitəsi ilə istinad mütləqdir.

Global site tag (gtag.js) - Google Analytics