Ermənistan

Nikoldan inanılmaz Qarabağ açıqlaması: - Yumşala bilərik, amma...

19 Mart 2019 18:19
4 Şərh     Baxış: 3 487
VTB-də MİNİMAL FAİZ DƏRƏCƏSİ İLƏ NAĞD KREDİT 10.49%-dən

"Biz Dağlıq Qarabağın danışıqlar masasında əsas tərəf kimi iştirakı məsələsini irəli sürməyə davam edəcəyik. Xankəndidə də bildirdim ki, tərəfdaşlarımızla bu istiqamətdə müzakirələri davam etdirəcəyik".

Milli.Az publika.az-a istinadən xəbər verir ki, bu barədə Ermənistanın baş naziri Nikol Paşinyan bu gün keçirdiyi mətbuat konfransında deyib.

Onun sözlərinə görə, Ermənistan dinləmək, anlamaq qabiliyyətini nümayiş etdirib.

"Əgər bizim tərəfdaşlarımız hesab etsə ki, mövqeyimiz həddindən artıq sərtdir, o zaman mövqeyimizi yumşalda bilərik, lakin bunu bizim tərəfdaşlarımız etməlidir, başqa cür dialoq olmayacaq", - deyə o bildirib.

Paşinyan bildirib ki, dialoq Düşənbədə başladı, Sankt-Peterburq və Davosda davam etdi.

Ermənistanın baş naziri əraziləri Azərbaycana qaytarmaq fikirlərinin olmadığını bəyan edib.

"Nizama salınma ilə bağlı həmsədrlərin irəli sürdüyü 3 prinsip və 6 element Ermənistan üçün qəbuledilməzdir. Biz bunun mənasını anlamağa çalışırıq. Azərbaycan tərəfi bunu Qarabağın onların tərkibində qalması kimi izah edir, lakin Qarabağın müstəqilliyi, yaxud Ermənistanla birləşməsi haqqında heç kim danışmır. Yəni nə qədər müzakirə edilən məsələləri dairəsi uyğunlaşdırılmayıb, biz bir-birimizi anlamayacağıq", - deyə Paşinyan bildirib.

Milli.Az

Azernews Newspaper

XƏBƏR LENTİ

Copyright © 2024 Milli.Az

Saytdakı materialların istifadəsi zamanı istinad edilməsi vacibdir. Məlumat
internet səhifələrində istifadə edildikdə hiperlink vasitəsi ilə istinad mütləqdir.