Dünya

Ataya dəfn etdiyi oğlundan zəng gəldi

25 İyun 2017 18:16
2 Şərh     Baxış: 9 154
VTB-də MİNİMAL FAİZ DƏRƏCƏSİ İLƏ NAĞD KREDİT 10.49%-dən

ABŞ-ın Kaliforniya ştatının cənubunda ata oğlunu dəfn edəndən 11 gün sonra ondan telefon zəngi gəlib.

Qafqazinfo xəbər verir ki, bu barədə "The Observer" qəzeti məlumat yayıb.

Mayın 6-da Fountain Valley qəsəbəsindəki Verizon mağazasının arxasında meyit tapılıb.

Morqdan 82 yaşlı Frank J.Kerrigana zəng edərək xəbər veriblər. Morqdan ataya bildiriblər ki, cəsədin  onun 57 yaşlı oğlu Frank M.Kerrigana aid olduğunu söyləyiblər.

Ata oğlunun meyitini tanımaq üçün gəlmək istədiyini deyəndə, buna ehtiyacın olmadığı, barmaq izləri ilə şəxsiyyətin müəyyən edildiyi bildirilib.

"Mən barmaq izləri söhbətini eşidəndə şübhə yerim qalmadı. Əgər barmaq izləri söhbəti olmasaydı, mən ora bir ürək döyüntüsü zamanında çatardım", - deyib ata.  

Bundan sonra, mayın 12-də ailə 20 min dollara 50 nəfərlik dəfn mərasimi təşkil edib.

11 gün sonra ataya dostundan telefon zəngi gəlib.

"Sənin oğlun sağdır, gözlə telefonu ona verim", - deyə dostu Bill Şinker deyib.

Məlum olub ki, morqda meyitin kimliyini yanlış müəyyən ediblər.

Barmaq izləri ümumiyyətlə tutuşdurulmayıb. Kerriganın kimliyini isə onun köhnə sürücülük vəsiqəsindəki şəkillə müəyyən ediblər. Ailə morqa övladlarının sağ olduğunu deyəndən sonra barmaq izlərinə baxılıb və həqiqətən səhvə yol verildiyi aydın olub.

İndi Kerrigan morqu məhkəməyə verməyi planlaşdırır.

Milli.Az

Azernews Newspaper

XƏBƏR LENTİ

Copyright © 2024 Milli.Az

Saytdakı materialların istifadəsi zamanı istinad edilməsi vacibdir. Məlumat
internet səhifələrində istifadə edildikdə hiperlink vasitəsi ilə istinad mütləqdir.