Dünya

Avtomobillər niyə 450 km saat limitini keçə bilmirlər? - VİDEO - FOTO

16 İyun 2017 10:35
0 Şərh     Baxış: 1 401

Henri Forda sual verəndə ki, insanlara nə lazımdır, ABŞ-ın avtomobil atası qayıdıb "Daha sürətli at lazımdı" demişdi. Sonra da Ford Motor Company-ni qurub atları əvəz etmək üçün daimi və ucuz avtomobil istehsalına başlamışdı.

Milli.Az technote.az-a istinadən xəbər verir ki, avtomobillər Ford-un hesabına yayıldı və illər keçdikcə insanlar daha sürətli avtomobil istəməyə başladılar. Əlbəttə, həmişə daha yaxşısını istəmək hissi bizim içimizdən gəlir, amma bu dəfə Henri Ford yoxdu və fizika qanunlarının avtomobillərin sürətini limitlədiyini anlamağa başlıyırıq. Əgər sadə məntiqlə yanaşsaq, mühərrik nə qədər güclüdürsə, avtomobilin hərəkət sürəti də bir o qədər artır. Bəli, avtomobillərin inkişaf mərhələləri bizə bunun doğru olduğunu sübut edir. Onda bəs niyə Koenigsegg One:1 modelini 431 km/saat sürətdə elektronik şəkildə limitləndirib? Niyə Bugatti Chiron-un 8 litr 16 silindirli 4 turbolu 1500 at güclü mühərriki 450 km/saat sürətini keçə bilmir? Keçək izaha.

Hərəkət edən hər obyektdə olduğu kimi avtomobillər üçündə sürtünmə çox mühüm məsələdir. Hər ötən il maşınların daha da "yumru" dizayna sahib olmasının səbəbi də budu. Maşın havaya qarşı nə qədər az müqavimət göstərərsə, daha sürətli hərəkət üçün o qədər az enerji sərf etməli olar. Amma məsələ burasındadır ki, hərəkət zamanı 320km/saat sürəti keçdikdən sonra əksər hallarda avtomobil, necə deyərlər, küləyi yara bilmir. Bunun səbəbi o limitdən sonrakı mərhələ üçün maşınların yetəri qədər aerodinamik olmamasıdı. Amma həm yetəri qədər aerodinamik, həm də güclü sayılan Bugatti Veyron və ya Koenigsegg One belə 450 km/saat limitini hələ də ötə bilmir. Burada dizayn problemləri işin içinə girir. Məhz eksteryerin quruluşuna görə sürtünmə əmsalına əsasən, avtomobillərin yüksək sürətlə hərəkət zamanı küləyin avtomobilə təsiri də dəyişir.

https://technote.az/upload/image_67214798321947.jpg

Hərdən spoyler və ya əlavə splitterlərin hesabına maşınlar yerə o qədər sıxılır ki, ani bir döngədə və ya asfaltın boş olduğu yerə təmas olunan an havaya qalxırlar. Belə hallar yarışlarda baş verir və daimi istehsaldakı maşınlarda yaranmamasının səbəbi belə təcrübələrin böyük avtomobil şirkətlərini qorxutmasıdır. Yəni normal görüntüyüə sahib olan, daimi istifadə zamanı qəza şəraiti yaratmayan və eyni zamanda 450 km/saatlıq sürət həddini aşa bilən avtomobil, hələ ki, mövcud deyil.

Əlavə olaraq digər bir səbəbsə təkərlərdir. Lazım olan konfiqurasiyada avtomobil hazırlansa belə təkərlər müəyyən sürət həddini keçdikdə bu gün istehsalda olan təkərlər alışmağa başlayırlar. Koenigsegg rəsmi olaraq One:1 modelindəki təkərlərin 431km/saatlıq sürət həddini keçdikdən sonra partlayacaqlarını və ya alışacaqlarını deyir. Yəni Koenigsegg faktı təsdiqlədi. Amma almanlar belə şeyləri qəbul etməkdə bir az çətinlik çəkirlər. Hər nə qədər Veyron və ya təzə Chiron-un təkərlərini hazırlayan fransız, Michelin olsa belə bu problemə həll yolu tapa bilmədiyini demək italyan əsilli alman şirkəti üçün bir az çətin ola bilər. Onu da qeyd edim ki, bu sürət limitləndirilməsi yalnızca daimi istehsalda olan avtomobillərə aiddir. Çox böyük və xüsusi təkərlərdən istifadə edən, düz yol Dragsterləri 500 km/saat həddini çoxdan keçiblər. 

Milli.Az

Videonu izləmək üçün şəklə klikləyin:

Avtomobillər niyə 450 km saat limitini keçə bilmillər?

Digər maraqlı xəbərlər Milli.Az-ın Facebook səhifəsində

Məqaləyə dair fotomateriallar:

DİGƏR XƏBƏRLƏR

Şərh yaz:

0 Şərh:

XƏBƏR LENTİ

Copyright © 2015 Milli.Az

Saytdakı materialların istifadəsi zamanı istinad edilməsi vacibdir. Məlumat
internet səhifələrində istifadə edildikdə hiperlink vasitəsi ilə istinad mütləqdir.