Ukraynaya diş həkimliyi təhsili almaq üçün gedən Türkiyə əsilli Bolqarıstan vətəndaşı Ela Dişlinin cəsədi tapılıb.
Milli.Az xarici KİV-ə istinadən xəbər verir ki, bu ilin 31 may tarixində itən keçmiş Haqq və Azadlıqlar Hərəkatı Partiyasının (HÖH) millət vəkili Zeya Dişlinin qızı olan 24 yaşlı Elanın cəsədi İvano-Frankivsk şəhərindən kənarda bir göldən tapılıb. Hadisə ilə əlaqədar olaraq Elanın 29 yaşlı Türkmənistan əsilli sevgilisi nəzarətə götürülüb.
İlk araşdırmalara görə, Dişlinin döyülərək öldürüldüyü təxmin edilir. Həmin universitetdə tələbə yoldaşı olan əcnəbi əsilli oğlanın Elanı yaşadığı mənzildə öldürdükdən sonra çamadana qoyaraq şəhər kənarındakı gölə atdığı iddia edilir.
Universitetin 4-cü kursunun tələbəsi Elanın ölüm səbəbi cəsədinin yarılmasından sonra müəyyən olacaq.
Təhməz Təkin
Milli.Az