Hindistanın hərbi qüvvələri Kəşmirin Pakistanın nəzarətində olan zonasında hərbi düşərgələri raket zərbələri ilə hədəf alıb.
Milli.Az axar.az-a istinadən bildirir ki, bu barədə Hindistan ordusunun sözçüsü Aşok Narula deyib.
"Terrorla mübarizə əməliyyatları çərçivəsində qüvvələrimiz nəzarət məntəqəsindən sonra cavab tədbirləri görməkdədir. Terrorçuları dəstəkləyən Pakistan ordusu cəbhədə təxribat həyata keçirir", - ordu rəsmisi bildirib.
Pakistan tərəfi isə səsləndirilən iddiaların əsassız olduğunu bildirib.
Qeyd edək ki, Kəşmir də daxil olmaqla, bir sıra ərazilər hələ də Hindistan və Pakistan arasında mübahisə mövzusudur.
Milli.Az